२ पतरुस 3:9 - मध्‍य पुरविया थारू

⁹ कोइ कोइ यि बिचार करैछै कि परमपरभु आपन करल परतिग्‍या पुरा करैले देर करैछै, महज कोइ नास नै हेबे बरु सबलोक आपन-आपन पापसे पस्‍चाताप करे कैहके उ धिरजसे असियालछै।

२ पतरुस 3:9 Iomraidhean Croise

रोमी 13:11

अपनासब कतहेक महत्‍व दैबला समयमे एलचियै से बात बुइझके यि सब बातमे धियान दैलेपरतै। आब अपनासबके निनसे जागैके समय एलछै कथिलेत बिस्‍बास करल पहिन्‍का दिनसे बेसी अखुन मुक्‍ती पाबैबला समय नजदिक एलछै।

रोमी 13:12

रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

रोमी 9:22

तहिनङे लोकसबसङे कनङ बेबहार करबै कहैबला बात त परमेस्‍वरके आपन इक्‍छाके बात चियै। आपन रिस आ सक्‍ती देखाइके ओकर आपन इक्‍छाके बात हैतोपरभी, उ नासके लेल तैयार करल लोकसबके सङे एकदम धिरज कैरके रहलै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

१ तिमोथी 2:4

सबलोक मुक्‍ती पाबे आ उसब सत बात बुझे कैहके ओकर इक्‍छाछै।

हिबरु 10:37

पबितर धरमसास्‍तरमे एहेन लिखलछै, “आब आबैबला जल्‍दीए एतै आ उ देर नै करतै।

१ पतरुस 3:20

उ आत्‍मासब पहिने परमेस्‍वरके आग्‍यापालन नै करल्‍कै जहिया नोआ पानी जहाद बनाबै छेलै। उसब आपन पापसे फिरतै कि कैहके धिरजकेसाथ परमेस्‍वर असियाल छेलै। जहादमे कमे लोक, अरथात आठ गोरे मातरे जल परलयसे बचल छेलै।

२ पतरुस 1:4

ओकर महिमा आ भलाइके कारन उ अपनासबके अनमोल आ महान परतिग्‍यासब उ अपनासबके देनेछै, ताकी अइ सन्‍सारके अधलाह इक्‍छासे आबैबला बेकार बातसे बाँइचके इस्‍वरीय स्‍वभावमे सहभागी हो।

२ पतरुस 3:15

परभु लोकसबके पापसबसे मुक्‍ती पाबे कैहके मौका दैले चाहैछै, ओहैसे उ कतहेक धिरजी चियै कैहके धियान दहै। अपनासबके पिरिय भाइ पावल सेहो परमेस्‍वरसे पाबने बुइधसे एह्‍या बातसब तोरासबके लिखने छेलौ।

परकास 2:21

हम ओकरा पस्‍चाताप करैले समय देलियै महज उ आपन बेबिचारसे पस्‍चाताप करैले इन्‍कार करल्‍कै।