२ पतरुस 2:4 - मध्‍य पुरविया थारू

⁴ परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

२ पतरुस 2:4 Iomraidhean Croise

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 8:29

उसब चिच्‍याके कहल्‍कै, “हे परमेस्‍वरके बेटा, हमरासबसे अहाँके कोन काम? कि समयसे पहिने अहाँ हमरासबके सताबैले एलचियै?”

मरकुस 5:7

तब उ जोर-जोरसे हल्‍ला करैत कहल्‍कै, “हे, महान परमेस्‍वरके बेटा येसु, अहाँके हमरसे कोन सरोकार? अहाँ परमेस्‍वरके किरिया खाके कहु कि हमरा आब दुख नै देबै।”

लुका 10:18

तब येसु ओकरासबके कहल्‍कै, “हमे सैतानके स्‍वरगसे बिजली जखा खसैत देखलियै।

लुका 8:31

तब भुतसब येसुके बिन्‍ती करल्‍कै, “हमरासबके निक्‍ले नै सकैबला गैहर खाइधमे नै पठाबु।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

रोमी 11:21

परमेस्‍वर असल ठाइर, इजराएलीसबके बाकी नै राखल्‍कौ त, कि तोरासबके छोरतौ?

रोमी 8:32

परमेस्‍वर आपने निज बेटाके बचाके नै राखल्‍कै, महज ओकरा अपनेसबके लेल देल्‍कै त, कि उ अपनासबके जम्‍मे चिज ओकरसङे नै देतै से?

२ पतरुस 2:11

महज स्‍वरगदुतसब झुठा गुरुसबसे सक्‍ती आ सामर्‌थसे महान भेलाकेबादो, परभुके सामने स्‍वरगमे रहैबला औरो परानिसबके निन्‍दा नै करैछै।

२ पतरुस 2:5

उ पहिन्‍का सन्‍सारके त बाकी नै राखल्‍कै, उ अधरमी लोकसबके जल परलयसे नास करल्‍कै, महज धारमिकताके परचार करैबला नोआ आ ओकरसङे ओकरे परिबारके औरो सात लोकके बचेल्‍कै।

२ पतरुस 2:9

ओहिनङ परभु धरमी लोकसबके संकटसे बचाबैले आ अधरमी लोकसबके दन्‍ड दैले नियायके दिन तलिक राखैले जानैछै।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

यहुदा 1:13

उसब समुन्‍दरके बरका झोह जखा चियै आ आपन घिन्‍याल बात समुन्‍दरके गेजुवा जखा देखाइछै। उसब अने-ओने घुमैबला तरासब जखाछै, जकरासबके लेल सबदिनके खातिर पतालके अन्‍धकार राखलछै।

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।