२ पतरुस 2:3 - मध्‍य पुरविया थारू

³ उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

२ पतरुस 2:3 Iomraidhean Croise

मतीके लिखल सुसमाचार 23:14

[“तोहे धरमगुरुसबके आ फरिसीसबके धिक्‍कार! तुसब कपटी चिही! तुसब बिधुवासबके घर हरैप लैचिही आ देखाबैले बरिखानतक परथना करैचिही। साँचे तुसब त औरोसबसे बेसी कठोर सजाय पाबबिही।]

लुका 18:8

हम तोरासबके कहैचियौ, परमेस्‍वर आपन लोकसबके जल्‍दीए अनियाइसे बचाइतौ। जब मानबके बेटा पिरथिबीमे एतै त ओकरा बिस्‍बास करैबला भेटतै?”

लुका 20:20

उसब येसुके पकरैले मौका ताके लाग्‍लै आ आपनके धरमी कहाइबला जासुससबके ओकरलग पठाइल्‍कै। येसुके ओकरे कहलहा बातमे ओकरा फसाके रोमी सासकसबके हाथमे फसाइके दाउमे उसब छेलै।

लुका 22:47

येसु बोल्‍तै खिना, लोकसबके एकटा बरका भिर ओतै चैलएलै। ओकर बारह चेलामेसे एक गोरे यहुदा कहाइबला ओइसबके अगा-अगा चैलके येसुके चुम्‍मा लैले उ ओकर लगमे एलै।

युहन्‍ना 2:16

पेरबा बेचैबलासबके उ कहल्‍कै, “अतेसे यि सब चिज उठाके ल्‍याजो। हमर पिताके घरके तुसब बेपारके घर नै बना!”

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

१ थेसलोनिकी 2:5

तोरासबके थाहे छौ कि, हमसब तोरासबके चापलुसी नै करलियौ आ नै त कोनो चिज पेबै कैहके लोभ करलियौ। अकर साक्‍छी परमेस्‍वर स्‍वयम छै।

१ थेसलोनिकी 5:3

जब लोकसब “सान्‍ती आ सुरक्‍छा” कहैत रहतै, तै बखत जनङ देहभारी भेल जनी बच्‍चाके जल्‍माबैके पिरा उखरैछै तहिनङ अचानक ओइसब उपर आफत एतै आ उसब ओइसे नै बाच्‍बे।

१ तिमोथी 3:3

महज उ मारपिट नै करैबला, दाखमध नै पिये बला, रिस नै करैबला, सान्‍त स्‍वभाबके आ पैसाके लोभ नै करैबला हैकेचाही।

१ तिमोथी 3:8

तहिनङे मन्‍डलीमे सेबा करैबला डिकन निक चालचलनके लोक हैकेचाही। उसब साँच-साँच बोलैबला, दाख मध नै पियैबला आ पैसा-कौरीके लोभ-लालच नै करैबला हैकेचाही।

१ तिमोथी 6:5

एहेन लोकसबके बिचमे सबदिन झगरा हैछै। ओइसबके मति भरस्‍ट भेल रहैछै। उसब सत बातसबसे दुर भेल रहैछै आ परमेस्‍वरके भक्‍ति करैबला काम धनिक हैकेलेल चियै कैहके बिचार करैछै।

तितस 1:11

ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

तितस 1:7

मन्‍डलीके बिसपसब परमेस्‍वरके कामके रेखदेख करैबला भेलाके कारन निरदोस रहे परतै। उ लोक जिदी, झटसे खिसियाइबला, मतबाली, लराइ-झगरा करैबला आ धनके लोभ करैबला नै हैकेचाही।

१ पतरुस 2:8

पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।

१ पतरुस 5:2

तोरासबके जिम्‍मामे देल परमेस्‍वरके भेरासबके देखभाल कर। यि काम करकापमे पैरके नै महज खुसिसे परमेस्‍वरके इक्‍छा बमोजिम आ कोनो पैसा-कौरीके लोभसे नै महज सेबाके मन ल्‍याके कर।

२ पतरुस 1:16

जब अपनासबके परभु येसु खिरिस्‍टके सक्‍ती आ आगमनके बारेमे तोरासबके कहलियौ, से हमसब चलाकिसे तोरासबके कोनो बनोतरी बात-कथामे नै कहलियौ महज ओकर बरका महिमा हमसब आपने आँखसे देखने छेलियै।

२ पतरुस 2:1

जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

२ पतरुस 2:9

ओहिनङ परभु धरमी लोकसबके संकटसे बचाबैले आ अधरमी लोकसबके दन्‍ड दैले नियायके दिन तलिक राखैले जानैछै।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

यहुदा 1:15

उ सब लोकसबके नियाय करतै। तब ओइसबके अधरमसे करल सब दुस्‍ट काम आ ओकर बिरोधमे हरेक घिनलागैबला बात बोलैबला दुस्‍ट लोकके दन्‍ड देतै।”

यहुदा 1:16

एहेन लोकसब सन्‍तोखिया नै हैछै, हरदम दोसरके गल्‍ती निकालैछै आ अपना सेहो नै निक इक्‍छासबमे चलैछै, अपनेके बरका सम्‍झैछै आ आपन काम बनाइले दोसरके चापलुसी करैछै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

यहुदा 1:7

तहिनङे सदोम, गमोरा आ ओकर कातकरौतके सहरके लोकसब एक एक कैरके दोसर घिनौना बेबिचारके काम करे लाग्‍लै। उसब आइगमे नास भ्‍याके कहियो नै बुताइबला आइगके दन्‍ड पाबैबलासबके लेल उदाहरन बन्‍लै।