२ पतरुस 2:13 - मध्‍य पुरविया थारू

¹³ उसब औरोसबके दुख देलाके कारन आपनो दुख भोगेपरतै। उसब दिने-दुपहरेमे मोजमजा करनाइ आनन्‍द बात ठानैछै। उसब त कलङकित आ दुसित लोकसब चियै। तोरासबसङे भोजन करैतकाल उसब छल कैरके आनन्‍द लैछौ।

२ पतरुस 2:13 Iomraidhean Croise

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

एफिसी 5:27

यि मन्‍डलीके पबितर, निरदोस, दाग नै लागल, नै घोकच्‍याल आ कोनो परकारके दोख नै लागल सुन्‍दर मन्‍डली बन्‍याके आपनसङे रहैले एहैन करल्‍कै।

फिलिप्‍पी 3:19

बिनास ओइसबके अन्‍त चियै, पेट ओइसबके देबता चियै, लाज मानैबला बातसबमे उसब घमन्‍ड करैछै। ओइसबके मन सन्‍सारिक बातसबमे मातरे लागल रहैछै।

२ तिमोथी 4:14

लोहाके काम करैबला अलेक्‍जेन्‍डर हमरा बहौत नै निक करल्‍कै। ओकर करल कामके फल परभुवे ओकरा देतै।

याकुब 5:5

तुसब पिरथिबीमे बहौत भोग-बिलासके जिन्‍गी बिताइने चिही आ भोग हैबला दिनके खातिर आपन देह पाइलके राखनेचिही।

१ पतरुस 4:4

आब तुसब निरलज जिबन नै बिताइचिही से देखके उसब छक परैछै आ तोरासबके बदनाम करैछौ।

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

परकास 18:6

उ महानगरी तोरासबके जहिनङे कराइने छेलौ, ओकरो ओहिनङे कर। उ तोरासबके लेल जनङ काम करने छेलौ, ओकर दोबर फिरता कैरदहै। उ तोरासबके लेल बाटीमे जतहेक मध भरनेछेलै, ओकरसे दोबर करा मध ओकरा दहै।