२ पतरुस 2:1 - मध्‍य पुरविया थारू

¹ जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

२ पतरुस 2:1 Iomraidhean Croise

मतीके लिखल सुसमाचार 10:33

महज जे हमरा लोकसबके सामने इन्‍कार करतै, हम्‍हु ओकरा स्‍वरगमे रहैबला आपन पिताके सामने इन्‍कार करबै।

मतीके लिखल सुसमाचार 24:11

बहुतो झुठा अगमबक्‍तासब एतै, उ बहुतो लोकके बहकेतै।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 24:5

बहुतो लोकसब हमर नाममे एतौ आ कहतौ कि, ‘हम्‍ही खिरिस्‍ट चियै’ आ बहुतोके बहकेतौ।

मतीके लिखल सुसमाचार 7:15

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै।

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

लुका 12:9

महज जे कोइ लोकसबके अगामे हमरा असुइकार करतै, ओहो परमेस्‍वरके स्‍वरगदुतसबके सामने इन्‍कार करलजेतै।

लुका 21:8

येसु कहल्‍कै, “होसियार रह, तोरासबके कोइयो नै बहकाबे। ‘समय नजदिक चैल एलछै’ आ हमर नाममे बहुत लोकसब ‘हम्‍ही खिरिस्‍ट चियै’ कहतौ, महज ओकरौरके पछा तुसब नै जैहे।

लुका 6:26

धिक्‍कार तोरासबके, लोकसबसे परसन्‍सा लैबलासब कथिलेत तोरासबके पिता पुरखासब झुठा अगमबक्‍तासबके ओहिनङे करनेछेलौ।”

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

१ कोरन्‍थी 11:19

तोरासबमेसे सत लोकसब चिन्‍हैके लेल तोरासबमे बेमेल होनाइ जरुरी छै।

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

१ कोरन्‍थी 7:23

परमेस्‍वर तोरासबके मोल तिरके किन्‍नेछौ, तैखातिर लोकसबके दास नै बन।

गलाती 2:4

खतनाके यि बात उठलै कथिलेत कतहेक झुठा बिस्‍बासीसब बहाना कैरके अपनासबके बिस्‍बासीसबके जेरमे एलै। उसब खिरिस्‍ट येसुमे भेल अपनासबके स्‍वतन्‍तरताके चेवा करैले आ हमरासबके बेबस्‍थाके दास बनाइले चाहैछेलै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

गलाती 4:17

झुठा बिस्‍बासीसब त तोरासबके उपर बहुत मतलब देखाइछौ, महज असल सोइचके त नै। उसब त हमरसे दुर कैरके आपने दिसन तानैले चाहैछौ।

गलाती 5:20

मुरतिपुजा, जादु-टोना, दुस्‍मनी, झै-झगरा, रिस, आरिस, आपने भलाइ नै सोच, मनमोटाब, गुटबन्‍दी,

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

फिलिप्‍पी 3:19

बिनास ओइसबके अन्‍त चियै, पेट ओइसबके देबता चियै, लाज मानैबला बातसबमे उसब घमन्‍ड करैछै। ओइसबके मन सन्‍सारिक बातसबमे मातरे लागल रहैछै।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

कलस्‍सी 2:8

होसियार रह, कोइ नै तोरासबके दरसन सास्‍तर या लोकसबके छल कपटसे बातमे फसाबे। एहेन बातसब खिरिस्‍टसे नै महज लोकसबके परम्‍परा आ सन्‍सारके सिक्‍छासे एलछै।

१ तिमोथी 5:8

यदी कोइ आपन नातेदार आ खास कैरके परिबारके देख-भाल नै करैछै, उसब बिस्‍बाससे पछा हटल लोक चियै आ अबिस्‍बासीयोसे बेसी खराब हैछै।

२ तिमोथी 4:3

कथिलेत आब एहेन समय आइबरहल छै कि लोकसब सहि सिक्‍छाके बात सुनैले बरदास नै करतै। बरु आपने इक्‍छाके पछा भाग्‍तै। उसब आपन इक्‍छासे ओहै गुरुसबके ढेरियाइतै जे ओइसबके सुनैले मज्‍जा लागैबला बातसब सुनाइतै।

तितस 1:11

ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

तितस 3:10

मन्‍डलीमे फुट आनैबलाके एक दुइ बेर चेता, यदी उ नै मानैछौ त ओकरसङे कोनो समबन्‍ध नै राख।

हिबरु 10:29

तुसब आपने बिचार कर, परमेस्‍वरके बेटाके अनादर करैबला, आपनेके पबितर बनाइबला करारके लहुके अपबितर करैबला आ अनुगरह दैबला पबितर आत्‍माके अपमान करैबला लोक औरो बरका सजाय पाबतै।

१ पतरुस 1:8

तुसब ओकरा नै देख्‍नेचिही तैयो परेम करैचिही। अखैन तुसब नै देखैचिही तैयो ओकरमे बिस्‍बास करैचिही आ बखाने नै करेसकैबला गौरबमय आनन्‍दमे तुसब खुसी चिही।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

१ युहन्‍ना 2:26

हम यि सब बात तोरासबके भरममे पारैबलासबके बारेमे लिख्‍नेचियौ।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

यहुदा 1:18

उसब कहने रहै, “अन्‍तिम बखतमे मजाक करैबलासब एतौ। उसब परमेस्‍वरके बात नै माइनके आपने इक्‍छासबमे लागल रहतौ।”

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

परकास 3:8

तोहर काम हमरा थाहछै। देख, हम तोहर अगा केबार खोलल छोरदेने चियौ, जकरा कोइ नै बन्‍द करैले सकैछै। तोरासङे कनहिक सक्‍तीछै कैहके हमरा थाहछै, तैयो तु हमर बचन पालन करनेचिही आ हमर नाउके इन्‍कार नै करनेचिही।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।

परकास 6:10

तब उसब अनङ कहैत जोरसे चिच्‍याके कहल्‍कै, “हे सरबसक्‍तिमान, पबितर आ सत परभु, पिरथिबीमे हमरासबके मारैबलाके अहाँ कहियातक इन्‍साफ नै करबै आ हमरासबके लहुके बदला नै लेबै?”