२ पतरुस 1:8 - मध्‍य पुरविया थारू

⁸ यदि तोरासबमे यि गुनसब परसस्‍त कैरके बरहैत जेतौ त, अपनासबके परभु येसु खिरिस्‍टके ग्‍यानमे तुसब बहौत काम लागैबला आ फल फराइबला हेब्‍ही।

२ पतरुस 1:8 Iomraidhean Croise

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

मतीके लिखल सुसमाचार 20:3

जब उ न बजे दिसन बजारमे निकललै त लोकसबके काम नै कैरके ठारभेल देखल्‍कै।

मतीके लिखल सुसमाचार 20:6

फेनो पाँच बजे दिसन गेलै तखुन्‍तो उ कुछ लोकसबके ओइहनङे बजारमे काम नै भ्‍याके ठारभेल देखल्‍कै। तब उ ओइसबके पुछल्‍कै, ‘तुसब अते कथिले दिनभैर बेगारी भ्‍याके ठार रहैचिही?’

मतीके लिखल सुसमाचार 25:26

मालिक ओइ नोकरके कहल्‍कै, ‘ए दुस्‍ट आ कोरहिया नोकर! यदी तु जानैछेल्‍ही कि जे चिज नै छिटैचियै, ओकरे हम कटनी करैबला आ जे राखैले नै दैचियै ओहे माङैबला लोक चियै त,

युहन्‍ना 15:2

हमरमे रहल सब ठाइर जे फल नै फराइछै, उ ओइसबके काइटदैछै आ फल फराइबला सब ठाइर औरो बेसीसे फराबे कैहके उ ओइसबके काटछाट करैछै।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

युहन्‍ना 5:42

महज हम जानैचियौ कि, परमेस्‍वरके परेम तोरासबके मनमे नै छौ।

रोमी 12:11

करैबला काममे कोरहिया नै बन महज पबितर आत्‍मामे जोसगर हो आ परभुके सेबा करैतरह।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

२ कोरन्‍थी 13:5

तुसब बिस्‍बासमे चिही कि नै चिही से आपनेसे जाँइचके देख। यदि जाँचमे असफल नै हेब्‍ही त खिरिस्‍ट तोरासबमे छौ कैहके थाहे हेतौ।

२ कोरन्‍थी 8:2

उसब एकदम संकटके परिक्‍छामे रहितोपरभी परसस्‍त आनन्‍दित भेलै आ गरिबीमे सेहो उसब उदार चितसे भेटी देल्‍कै।

२ कोरन्‍थी 8:7

जहिनङे सब काममे तुसब बैढते जाइचिही, अरथात बिस्‍बासमे, बचनमे, ग्‍यानमे, जोसमे आ हमरासब परती परेममे, तहिनङे तुसब यि भेटी दैबला काममे सेहो बैढते जो।

२ कोरन्‍थी 9:14

परमेस्‍वरके परसस्‍त अनुगरह तोरासबमे भेलाके कारनसे उसब मन खोइलके तोरासबके लेल परथना करतौ।

फिलिप्‍पी 1:9

हमर परथना एह्‍या चियै, कि तुसब परेम आ ठिक-बेठिक छुटयाबैबला बुइधमे झन-झन परसस्‍त कैरके बैढते जाय,

फिलिप्‍पी 2:5

तोरासबमे एहेन मन हेबे, जे खिरिस्‍ट येसुमे छेलै।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

कलस्‍सी 2:7

तुसब आपन बिस्‍बासके जैर ओकरमे गैहरतक गारने रह आ ओकरसङे आपन समबन्‍ध बलगर बनाइत जो। तोरासबके भेटल सिक्‍छा अनुसार बिस्‍बासमे अस्‍थिर भ्‍याके ओकरा धन्‍यबाद दैतरह।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

१ थेसलोनिकी 3:12

जहिना हमसब तोरासबके परेम करैचियौ ओहै तरहसे परभु तोरासबके एक दोसरसङे आ सब लोकसबसङे परेममे औरो बेसीसे बरहाइत रहे कैहके हमसब परथना करैचियै।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

१ तिमोथी 5:13

उसब अङने-अङने चलैबला आदत पैरके कोरनी आ चुगली लगाइबाली हैछै। ओतबे नै उसब नै बाजैबला बातसब बतियाइछै आ दोसरके काममे टाङ अराबैबाली हैछै।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

फिलेमोन 1:6

हम परथना करैचियै कि तोहर बिस्‍बासके संगती बरहैत जाय आ अपनासब खिरिस्‍टमे केहन-केहन भलाइके काम करे सकैचियै से ग्‍यानमे बिरधी कराबे।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।

२ पतरुस 1:2

परमेस्‍वर आ अपनासबके परभु येसु खिरिस्‍टके ग्‍यानमे तुसब बरहैत जाइके कारन तोरासबके परसस्‍त रुपमे अनुगरह आ सान्‍ती मिले।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

२ पतरुस 2:20

महज उसब अपनासबके परभु आ मुक्‍तीदाता येसु खिरिस्‍टके चिन्‍हके सन्‍सारके घिनलागैबला बातसबसे छुटकरा पाबलाके बाद फेनसे पापमे परैछै त ओकरासबके दसा पहिनेसे औरो बेसी खराब हैछै।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।