२ पतरुस 1:13 - मध्‍य पुरविया थारू

¹³ जाबेतक हम जिबित रहबौ, ताबेतक यि बात तोरासबके याद कराइत होसियार करेनाइ हमरा ठिक लागैछै।

२ पतरुस 1:13 Iomraidhean Croise

२ कोरन्‍थी 5:8

अपनासबके पुरा भरोसा छै, बरु हमसब अइ भौतिक देह त्‍यागके परभुसङे रहैले चाहैचियै।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

फिलिप्‍पी 3:10

हम खिरिस्‍टके औरो निकसे चिन्‍हैले आ ओकरा जियाइबला सक्‍तीके अनुभव करैले चाहैचियै। ओकर जखा दुख सहैले आ मरैयोले इक्‍छा करैचियै,

२ तिमोथी 1:6

तै खातिर हम तोरा याद कराइले चाहैचियौ कि, हम तोहर उपर हाथ राखै बखत जे बरदान परमेस्‍वर तोरा देने छेलौ, तकर पुरा सदउपयोग कर।

हिबरु 13:3

तुसब आपने जहलमे परल जखा जहलमे परलहासबके तुसब वास्‍ता कर। आपने दुख भोगल जखा अतियाचारमे परलहासबके याद कर कथिलेकी तुहुसब सरिरमे चिही।

२ पतरुस 1:12

तुसब यि सब बात जान्‍बे करैचिही आ तोरासबके सिख्‍याल सत बातमे अस्‍थिर चिही तैयो हम यि सब बात तोरासबके हरदम याद दिलाइते रहबौ।

२ पतरुस 1:14

कथिलेत हम जानैचियै, अपनासबके परभु येसु खिरिस्‍ट हमरा साफ-साफ देखादेनेछै कि यि माइटके देह जल्‍दिए छोइरके जाइले परतै।

२ पतरुस 3:1

हे हमर पिरियसब, यि तोरासबके लेल लिखल दोसर चिठी चियौ। यि दुनु चिठीमे कतहेक बात सम्‍झना कराके तोरासबके ठिकसे बिचार करैके लेल उत्‍साहित करैले कोसिस करनेचियौ।