१ तिमोथी 6:9 - मध्‍य पुरविया थारू

⁹ महज धनिक हैले चाहैबला परिक्‍छामे परैछै। उ बेरथ आ खराब इक्‍छासबमे फैस जाइछै। ओहे खराब इक्‍छा ओकरा दुख आ बिनासमे लजाइछै।

१ तिमोथी 6:9 Iomraidhean Croise

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

मतीके लिखल सुसमाचार 19:22

यि बात सुइनके उ लोक एकदम निरास भेलै आ ओतेसे चैलगेलै, कथिलेत ओकरा बहुत धन-सम्‍पती रहै।

मतीके लिखल सुसमाचार 26:15

आ कहल्‍कै, “अदी हम येसुके अहाँसबके हाथमे पकरादेबै त अहाँसब हमरा कथी देबै?” ओहै बातमे उसब ओकरा चानीके तिस डलर देल्‍कै।

मतीके लिखल सुसमाचार 6:19

“आपन खातिर पिरथिबीमे धन-सम्‍पती नै ढेरिया, जते ओकरा किरा आ बिज लाइगके नास कैरदैछै। जते चोरसब सिन कोइरके ओकरा चोरालैछै।

मरकुस 4:19

महज दुनियाके चिन्‍ता, धनके मोह आ औरो चिजके ललसा आइबके बचनके दाइब दैछै। तहैले उसब फल नै फराबैछै।

लुका 12:21

तब येसु फेनो ओकरा कहल्‍कै, “आपन खातिर कतबो धन समपैत जमा कैरले, महज परमेस्‍वरके नजरमे धनिक नै भेल लोकके दसा ऐहनङ हैछै।”

लुका 21:35

सारा सन्‍सारमे रहैबला लोकसबसङे ऐहनङे हेतौ।

परेरित 8:20

महज पतरुस कहल्‍कै, “सत्‍यानास हेबे तु आ तोहर पैसा-कौरी, कथिलेत परमेस्‍वरके बरदान रुपैया-पैसासे किने मिल्‍तै से बिचार करलिही।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

१ तिमोथी 1:9

अपनासब यि बात जानैचियै कि बेबस्‍था असल लोकके लेल नै बनलछै महज अकर बेबस्‍था भङ करैबलासबके लेल, अपराध करैबलासबके लेल, आग्‍यापालन नै करैबलाके लेल, भक्‍तीहिन आ पापीसबके लेल, अपबितर आ दुस्‍ट, अधरमी आ आपन बाप-महताइरसबके हतिया करैबलासबके लेल आ औरोसबके हतिया करैबलासबके लेल बनलछै।

१ तिमोथी 3:7

देखभाल करैबला अगुवा मन्‍डलीएटाके भितरे मातर नै महज उ मन्‍डलीके बाहरो इजत-मान भेटल लोक हैकेचाही। तब मातरे ओकरा बिस्‍बासी लोकसब मान करतै आ सैतानके जालमे नै परतै।

१ तिमोथी 6:10

कथिलेकी सब परकारके खराबी के जैर रुपैया-पैसाके मोह चियै। कतहेक गोरा अकर पछा लाइगके बिस्‍बाससे पछा हैट गेलछै आ उसब आपन उपर दुख कस्‍ट लाबने छै।

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

२ तिमोथी 2:26

तब उसब होसमे आइबके सैतानके फन्‍दासे निकैल सकैछै। कथिलेत सैतान आपन इक्‍छा पुरा करैके खातिर ओइसबके बसमे राखनेछै।

तितस 2:12

यि अनुगरहसे अपनासबके परमेस्‍वरके आदर नै हैबला काम आ सन्‍सारके लोभ-लालच त्‍यागैले लगाइछै आ धिरजसे अपने आपके बसमे राखैले, निरदोस हैले आ परमेस्‍वरके आदर हैबला जिबन जियैले सिखाइछै।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।