१ तिमोथी 6:4 - मध्‍य पुरविया थारू

⁴ उ लोक घमन्‍डसे भरल रहैछै आ कुछो नै जानैछै। एहेन लोक बेरथेमे बाद-बिबाद करैछै। बात-बातमे झगरा करैछै। एहेन बातसबसे त डाह, फुट, बदनाम आ संखासब हैले लागैछै।

१ तिमोथी 6:4 Iomraidhean Croise

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 18:15

महज यि बात त खालि अहाँसबके धरमसास्‍तरके नियम समबन्‍धमे सब्‍द आ नाममे मातरे बिबाद छै। तै खातिर तुसब आपनेसे अकर नियाय कर। हमरा यि बातसे कोनो लेना-देना नै छै।”

परेरित 8:9

ओहै सहरमे सिमोन नामके एकटा लोक ओतै छेलै। उ बहौत दिनसे आपन जादु देख्‍याके सामरियाके लोकसबके आस्‍चरजमे राखने रहै आ उ आपनके पैध लोक कहैछेलै।

रोमी 12:16

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

रोमी 14:1

बिस्‍बासमे कमजोर भेल्‍हा लोकसबके सुइकार कर आ उसब जे बिचार करने छै, तैमे दोस लग्‍याके ओइसबसङे तरक नै कर।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

१ कोरन्‍थी 11:16

यदि कोइ अकर बारेमे बिबाद करैले चाहैछै त, हमरासबसङे यि बाहेक कोनो चलन नै छै, नै त परमेस्‍वरके मन्‍डलीसबमे छै।

१ कोरन्‍थी 11:18

पहिल्‍का बात यि चियै कि जब तुसब मन्‍डलीमे एकसाथ भेला हैचिही, तोरासबके बिचमे बेमेल हैछौ कैहके हम सुन्‍ने चियौ। तै बातमे हम कुछ बिस्‍बासो करैचियौ।

१ कोरन्‍थी 3:18

कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

१ कोरन्‍थी 3:3

कथिलेत तुसब अखुन्‍तो सन्‍सारके लोकसब जखा जिबन बिताबैचिही। यदि तोरासबके बिचमे डाह आ झगरा छौ त, कि तुसब सन्‍सारके औरो लोकसब जखा बेबहार नै करैचिही से?

२ कोरन्‍थी 11:20

कथिलेकी कोइ तोरासबके दास बनाइछौ, तोरासबके सोसन करैछौ, तोरासबसे फाइदा उठाइछौ, तोरासबके अगा धाख लगाइछौ आ तोरासबके गालमे थपराइछौ तैयो तुसब सब सहैचिही।

गलाती 5:15

तुसब एक-दोसरके आपन बोलिसे जङली जानबर जखा दात काटैचिही आ नोच-नाच करैचिही त होस कर, नै त एक-दोसरके नास करबिही।

गलाती 5:26

हमसबके एक-दोसरसङे घमन्‍ड, रिस आ डाह नै करैके चाही।

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

फिलिप्‍पी 1:15

कोइ कोइ डाह कैरके औरोसे बेसी करलियै कैहके देखाबैके लेल खिरिस्‍टके बारेमे परचार करैछै महज कतहेक लोक असल बिचारसे परचार करैछै।

फिलिप्‍पी 2:14

गनगन आ बाद-बिबाद नै कैरके सबकाम कैरते जो।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

२ थेसलोनिकी 2:4

बेबस्‍था भङ करैबला लोक आपने बरका भ्‍याके लोकसब परमेस्‍वर मानैबला सब चिजसबके आ पुजा-पाठ करैबला सब चिजके बिरोध करतै। उ त परमेस्‍वरके मन्‍दिरमे बैठके उ आपनेके परमेस्‍वर चियै कहतौ।

१ तिमोथी 1:4

ओइसबके बनोतरी बात-कथा सबमे आ नै सकैबला बंसाबलीसबमे नै ओझराल रह कैहके आग्‍या दहै। कथिलेत एहेन बातसबसे बाद-बिबाद मातरे हैछै आ परमेस्‍वरमे बिस्‍बासके जिबन बिताइबलासबके कोनो फैदा नै करैछै।

१ तिमोथी 1:7

उसब मोसाके बेबस्‍था सिखाबैबला गुरु हैले चाहैछै महज कथी बोइलरहल छै आ कथिके बारेमे बिसेस सिखाइछै से आपने नै जानैछै।

१ तिमोथी 3:6

अगुवा भरखरके बिस्‍बासी नै हैकेचाही। नै त अनङ नै हेबे कि उ घमन्‍डसे फुइलके सैतान जखा दन्‍डके भागिदार हेबे।

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

२ तिमोथी 2:23

महज मुरुख आ बेकारके तरक-बितरकसे दुरे रह, कथिलेत तोरा थाह छौ कि, एहेन बातसे लराइ-झगरा उतपन हैछै।

२ तिमोथी 3:4

उसब धोखेबाज, आपने मनके रजा आ घमन्‍डी हेतै। परमेस्‍वरसे परेम करैके बदलामे सुख-बिलासके परेम करतै।

तितस 3:9

महज बेरथके बात, बंसाबली, फुट लाबैबला आ धरम-नियमके झगरासबसे दुरे रह। कथिलेत यि काम नै लागैबला आ बेरथके बात चियै।

याकुब 1:19

हे हमर पिरिय भाइ-भैयासब, यि बात तोरौरके जान। सुनैमे जल्‍दी, बाजैमे अस्‍थिर, तामसमे कम हैलेपरतै।

२ पतरुस 2:12

महज यि झुठा गुरुसब त नै बुझलहा बातसबके निन्‍दा करैछै। उसब समझ नै भेल जानबर जखा चियै आ सोभाबिक इक्‍छासबके बसमे रहैछै। उसब पकैरके मारैके लेल जलमल जखाछै आ उसब जानबरसब जखा नस्‍ट हेतै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

यहुदा 1:10

महज यि लोकसब त आपनेसे नै बुझहल बातके मजाक करैछै। ओइसबके बुइध त जानबर जखाछै आ उसब ओहै कारन नास हेतै।

यहुदा 1:16

एहेन लोकसब सन्‍तोखिया नै हैछै, हरदम दोसरके गल्‍ती निकालैछै आ अपना सेहो नै निक इक्‍छासबमे चलैछै, अपनेके बरका सम्‍झैछै आ आपन काम बनाइले दोसरके चापलुसी करैछै।

परकास 3:17

हम धनिक चियै आ हमरा कोनो चिजके कमी नै छै कैहके कहैचिही महज तोरा आपने दसा थाहे नै छौ कि तु दुखी, दया लागैबला, गरिब, आन्‍हर आ नाङटे चिही।