१ तिमोथी 6:11 - मध्‍य पुरविया थारू

¹¹ महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

१ तिमोथी 6:11 Iomraidhean Croise

रोमी 14:19

तैल्‍याके अपनासब उ बातसबके अनुसरन कर जे बात सान्‍ती लाबैछै आ एक-दोसरके बिस्‍बासमे बलगर बनाइले मदत करैछै।

१ कोरन्‍थी 10:14

तैखातिर, हे हमर पिरिय भाइ-भैयासब, मुरतिपुजासे दुरे रह।

१ कोरन्‍थी 14:1

परेम करैबला बातमे लागल रह आ आत्‍मिक बरदानसब पाबैके लेल उतकट इक्‍छा राख। खास कैरके अगमबानीके बरदानसब बोलैके लेल इक्‍छा कर।

१ कोरन्‍थी 6:18

बेबिचारसे अलगे रह। औरो पाप, लोक आपन देहसे बाहर करैछै, महज बेबिचार करैबला लोक आपने देहके बिरोधमे पाप करैछै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 6:20

हौ तिमोथी, जे जिम्‍मा परमेस्‍वर तोरा देने छौ ओकरा निकसे देखभाल कर। परमेस्‍वरके अपमान हैबला मुरुख बातसबसे आ कतहेक लोक परमेस्‍वरके बिरोध करैबला बातके “ग्‍यान” कैहके मानने छै तै झुठ बातसबसे अलग रह।

२ तिमोथी 2:21

यदी कोनो लोक आपनके खराब कामसे सुध राखैछै त, उ आदरके जोग कामके खातिर एकटा भँड़िया बन्‍तै। कथिलेत उ आपने सुध राइखके सब असल कामके खातिर मालिकके मनपरैबला हेतै।

२ तिमोथी 2:22

तैल्‍याके तु जबानीके अधलाह ललसासे दुर रह आ सुध हिरदयसे परभुके पुकारैबला सब सङे धारमिक्‍ता, बिस्‍बास, परेम आ सान्‍तीके पछा लाग।

२ तिमोथी 3:10

तु त हमर सिक्‍छा, हमर चरितर, हमर जिबनके लक्‍छ, हमर बिस्‍बास, हमर धिरज, हमर परेम आ हमर सहनसिलता देख्‍नेचिही।

२ तिमोथी 3:17

ताकि परमेस्‍वरमे बिस्‍बास करैबला लोकसब सब असल कामके खातिर पुरा तौरसे सुसोभित भ्‍याके रहे।

हिबरु 12:14

जम्‍मे लोकसबसङे मिलके सान्‍तीमे रह आ पबितर जिबन जियैके कोसिस कर, कथिलेत पबितर नै भ्‍याके कोइयो नै परमेस्‍वरके देखैले सक्‍तै।

१ पतरुस 3:11

उ खराब कामसे घुइमके आबे आ असल काम करे आ सान्‍तीके खोजि करे आ ओहैमे लागल रहे।