१ तिमोथी 5:8 - मध्‍य पुरविया थारू

⁸ यदी कोइ आपन नातेदार आ खास कैरके परिबारके देख-भाल नै करैछै, उसब बिस्‍बाससे पछा हटल लोक चियै आ अबिस्‍बासीयोसे बेसी खराब हैछै।

१ तिमोथी 5:8 Iomraidhean Croise

मतीके लिखल सुसमाचार 18:17

यदी उ ओकरोसबके बात नै सुन्‍तौ त, तकर जानकरी मन्‍डलीमे दहै। उ मन्‍डलीयोके बात नै सुन्‍तौ त, ओकरा गैर-यहुदी आ बटी उठाइबलासबके जखा समझ।

मतीके लिखल सुसमाचार 7:11

अहिनङके तुसब दुस्‍ट रइहतो परभी आपन धियापुतासबके असल चिज दैले जानैचिही त, स्‍वरगमे रहैबला तोरासबके पिता, ओकरासे माङैबलासबके औरो कतेक बेसीसे असल चिज देतै।

युहन्‍ना 15:22

“यदी हम आइबके नै कहने रहतियै त पापके दोसी नै हेतियै, महज आब आपन पापके लेल बहाना करैबला कोनो ठाम नै छै।

१ कोरन्‍थी 6:6

महज एकटा बिस्‍बासी भाइ दोसर बिस्‍बासी भाइसङे झगरा कैरके नियाइके लेल बिस्‍बास नै करैबलासबके लग ल्‍याजाइछै!

२ कोरन्‍थी 12:14

आब हम तेसर बेर तोरासबलग आबैले तयार भेलचियौ आ हम तोरासबके लेल बोझ नै हेबौ। हम तोरासबसे पैसा-कौरी नै, महज तोरासबके चाहैचियौ। कथिलेत बाप-महताइरके लेल बेटा-बेटी नै महज बाप-महताइरके बेटा-बेटीके लेल धन-सम्‍पती जोग्‍याके राइखदैले परैछै।

२ कोरन्‍थी 6:15

खिरिस्‍टके सैतानसङे कोन समबन्‍ध? तहिनङे खिरिस्‍टमे बिस्‍बास करैबलासब आ बिस्‍बास नै करैबलासबसङे कोन समबन्‍ध?

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

२ तिमोथी 3:5

उसब भक्‍ती करैबला रुप धारन त करैछै महज भक्‍तीके भितरी सक्‍तीके सुइकार नै करैछै। एहेन लोकसबसे दुरे रह।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

२ पतरुस 2:1

जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 3:8

तोहर काम हमरा थाहछै। देख, हम तोहर अगा केबार खोलल छोरदेने चियौ, जकरा कोइ नै बन्‍द करैले सकैछै। तोरासङे कनहिक सक्‍तीछै कैहके हमरा थाहछै, तैयो तु हमर बचन पालन करनेचिही आ हमर नाउके इन्‍कार नै करनेचिही।