१ तिमोथी 5:7 - मध्‍य पुरविया थारू

⁷ अइ बातसबके बारेमे तु मन्‍डलीके बिस्‍बासीसबके सिक्‍छा दहै ताकि ओइसबके कोइ नै दोस लगाबे पाबे।

१ तिमोथी 5:7 Iomraidhean Croise

फिलिप्‍पी 2:15

अहिनङ तुसब पापी आ दुस्‍ट पुस्‍ताके बिचमे दाग नै भेल परमेस्‍वरके बेटा-बेटी जखा निरदोस आ सुध हेब्‍ही। जनङ तरासब अकासमे चमचम चम्‍कैछै, तहिनङे तुहुसब यि सन्‍सारमे ओइसबके बिचमे चम्‍कैले परतौ।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ तिमोथी 4:11

तु आपन सिक्‍छासबमे यि बातसब सिखा आ पालन करैले अरहा।

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

तितस 1:13

यि कहल बात साँचोके चियै। अहैलेल ओइसबके करासे चेताइनाइ जरुरी छै, ताकि उसब बिस्‍बासमे बौकार हेबे।

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।