१ तिमोथी 5:1 - मध्‍य पुरविया थारू

¹ अपनसे बुढसबके नै हप्‍का, बरु आपन बाबु जखा आदरभावसे सम्‍झा-बुझा आ आपनसे छोट भाइ जखा बेबहार कर।

१ तिमोथी 5:1 Iomraidhean Croise

मतीके लिखल सुसमाचार 23:8

“तोरासबके कोइ गुरु नै कहौक कथिलेत तुसब त भाइ-भाइभैयारीसब चिही। तोरासबके एकेटा मातरे गुरु छौ।

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 15:4

जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

परेरित 15:6

अहै बातमे सोच बिचार करैले परेरितसब आ मन्‍डलीके रेखदेख करैबलासब बैठकी करल्‍कै।

परेरित 20:17

तब मिलेटससे पावल एफिसस सहरमे समाध पठाके मन्‍डलीके रेखदेख करैबलासबके बोलाइले पठाइल्‍कै।

रोमी 13:7

तोरासबके तिरैबला चिज सबके तिरदहै। कर तिरैबलाके कर, महसुल तिरैबलाके महसुल, आदर करैबलाके आदर, इज्‍जत करैबलाके इज्‍जत कर।

गलाती 6:1

हे हमर पिरिय भाइ-भैयासब, यदि कोनो लोक पापके जालमे परलछै, से जाइनके तोरासबमे जे आत्‍मिकी चिही, तुसब ओकरा नम्‌र भ्‍याके सुधार। तेहन काममे आपनो होसियार रह, नै त तुहुसब परिक्‍छामे परबिही।

१ तिमोथी 5:17

असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

१ तिमोथी 5:2

ओहिनङके बुढ जनिसबके आपन माँ जखा आ छोटसबके पबितर मनसे बहिन जखा बेबहार कर।

तितस 2:2

बुढबासबके परहेज करैले, गहन आ अपने आपके बसमे राखैले सिखा। ओइसबके बिस्‍बासमे, परेममे आ सहनसिलमे बौकार हैलेपरतै कैहके सिखा।

तितस 2:6

ओहिनङे जबान सबके अपने-आपके बसमे राखैकेलेल उत्‍साह दहै।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

याकुब 5:14

कोइ बिमार छै त, उ मन्‍डलीके अगुवासबके बोलाबे तब उसब परभुके नाउमे तेलसे अभिसेक कैरके ओकर खातिर परथना करतै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

२ युहन्‍ना 1:1

हम एल्‍डरके तरफसे, परमेस्‍वरके चुनल जनी आ ओकर बेटा-बेटीके यि चिठी लिखैचियै, जकरा हम साँचोके परेम करैचियै, हम मातरे नै महज सतके चिन्‍हैबला सबकोइ परेम करैछै।

३ युहन्‍ना 1:1

हम मन्‍डलीके एल्‍डर युहन्‍नाके तरफसे, हमर पिरिय सङी गायसके यि चिठी लिखैचियै, जकरा हम साँचोके परेम करैचियै।

परकास 4:4

उ सिंहासनके चारुओर चौबिसटा सिंहासनसब छेलै आ मुरमे सोनाके मुकुट आ उजर बस्‍तर पहिरने चौबिस गोरा धरमगुरुसब उ सिंहासनमे बैठल छेलै।