१ तिमोथी 4:3 - मध्‍य पुरविया थारू

³ उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

१ तिमोथी 4:3 Iomraidhean Croise

मतीके लिखल सुसमाचार 14:19

तकरबाद ओइ लोकसबके घासमे बैठ कैहके आग्‍या देल्‍कै आ उ रोटी आ माछ ल्‍याके स्‍वरग दिसन ताइकके परमेस्‍वरके धन्‍यबाद देल्‍कै, तकरबाद रोटी खाइरके चेलासबके देल्‍कै आ चेलासब ओइ लोकसबके परैस देल्‍कै।

मतीके लिखल सुसमाचार 15:11

कोनो भि चिज मुह भितर ढुकैछै उ चिज लोकके असुध नै करैछै, महज जे बात मुहसे बाहर निकलैछै, ओहे बात लोकके असुध करैछै।”

मतीके लिखल सुसमाचार 15:36

तकरबाद उ सात रोटी आ माछसब ल्‍याके परमेस्‍वरके धन्‍यबाद देल्‍कै आ खाइरके चेलासबके परसैले देल्‍कै। तब चेलासब लोकसबके परैस देल्‍कै।

लुका 24:30

जब येसु ओइसबसङे खाइले बैठलै तब उ रोटी ल्‍याके आसिरबाद देल्‍कै आ तोइरके ओइसबके देल्‍कै।

युहन्‍ना 6:23

तब तिबेरियास सहरसे औरो नाहसब ओइ ठामलग एलै, जते येसु परमेस्‍वरके धन्‍यबाद द्‍याके लोकसबके रोटी खियाइने छेलै।

परेरित 27:35

अतेक कैहके उ रोटी लेल्‍कै आ सबके सामने परमेस्‍वरके धन्‍यबाद देल्‍कै आ तोइरके खाइले लाग्‍लै।

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

रोमी 14:3

जे लोक सब चिज खाइछै, उ सागपात खाइबलासबके घिरना नै करे। तहिनङे सागपात खाइबलासब नै खाइबलाके दोस नै लगाबे। कथिलेत परमेस्‍वर दुनुके सुइकार करने छै।

रोमी 14:6

जे लोक एकटा दिनके बिसेस रुपसे मानैछै, उ लोक परभुके आदरके लेल पालन करैछै। तहिनङे जे लोक मासु लगाएत सब चिज खाइछै उ लोक परमेस्‍वरके आदरके लेल खाइछै आ परमेस्‍वरके धन्‍यबाद दैछै। जे लोक सागपात मातरे खाइछै उ लोक परमेस्‍वरके आदरके लेल खाइछै आ उहो परमेस्‍वरके धन्‍यबाद दैछै।

१ कोरन्‍थी 6:13

कोइ कहैछै, “भोजन पेटके लेल आ पेट भोजनके लेल चियै।” महज परमेस्‍वर दुनुके नास करतै। लोकके देह बेबिचारके लेल नै, महज परभुके लेल चियै आ देहके लेल आबस्‍यक चिज परभुवे बन्‍दोबस करैछै।

१ कोरन्‍थी 7:28

यदि तु बियाह करबो करबिही त उ पाप नै चियै। तहिनङे यदि कुमाइर छौरी बियाह करतै त उ पाप नै करैछै। तैयो बियाह करैबलासबके अइ सन्‍सारमे झनझट हैछै आ हम तोरासबके अइसे बचाइले चाहैचियौ।

१ कोरन्‍थी 8:8

महज खाइबला चिजसबसे अपनासबके परमेस्‍वरके नजदिक नै पुगाबैछै। हमसब नहियोखेबै त कोनो नोक्‍सानी नै हेतै आ खेबो करबै त कोनो फैदो नै हेतै।

कलस्‍सी 2:16

अहै खातिर खान-पिन या पाबैनके दिन या अमसियाके दिन कि पबितर बिसराम दिन मानैके बिसयमे कोइ दोस लगाइछौ त, ओहेन बातसबमे धियाने नै लगा।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

१ तिमोथी 2:4

सबलोक मुक्‍ती पाबे आ उसब सत बात बुझे कैहके ओकर इक्‍छाछै।

१ तिमोथी 4:4

परमेस्‍वरके सिरिस्‍टी करल सब चिज एकदम असल छै। अपनासब परमेस्‍वरके धन्‍यबाद द्‍याके लैचियै त इन्‍कार करैबला कोनो चिज नै छै।

१ तिमोथी 5:14

अहैलेल हम जबान मसोमातनीसबके फेनसे बियाह कैरके बेटा-बेटी जलमाबे आ घर गिरहस्‍ती चलाबे कैहके सल्‍लाह दैचियै। ओहेन करलासे डाह करैबलासबके निन्‍दा करैके मौका नै भेटतै।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।