१ तिमोथी 3:2 - मध्‍य पुरविया थारू

² तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ तिमोथी 3:2 Iomraidhean Croise

लुका 1:6

उसब दुनुगोरे परमेस्‍वरके नजरमे धरमी छेलै आ परमपरभुके सब आग्‍या आ धारमिक नियमसब मानैछेलै।

लुका 2:36

आसेरके खन्‍दानमे फनुएलके बेटी हन्‍ना नामके एकटा बुढिया अगमबादिनी छेलै, जे बियाह कैरके साते बरिसमे बिधुवा भेलरहै।

रोमी 12:13

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

फिलिप्‍पी 2:15

अहिनङ तुसब पापी आ दुस्‍ट पुस्‍ताके बिचमे दाग नै भेल परमेस्‍वरके बेटा-बेटी जखा निरदोस आ सुध हेब्‍ही। जनङ तरासब अकासमे चमचम चम्‍कैछै, तहिनङे तुहुसब यि सन्‍सारमे ओइसबके बिचमे चम्‍कैले परतौ।

१ तिमोथी 3:12

मन्‍डलीके सेबा करैबला डिकनके एकेटा घरबाली हैकेचाही। उ आपन बेटा-बेटी आ घरपरिबारके निकसे चलाइबला हैकेचाही।

१ तिमोथी 3:8

तहिनङे मन्‍डलीमे सेबा करैबला डिकन निक चालचलनके लोक हैकेचाही। उसब साँच-साँच बोलैबला, दाख मध नै पियैबला आ पैसा-कौरीके लोभ-लालच नै करैबला हैकेचाही।

१ तिमोथी 4:3

उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 5:22

तु मन्‍डलीमे अगुवा नियुक्‍त करैके लेल झट-पट ककरो उपर हाथ राखैबला काम नै कर। आनगोराके पापमे सहभागी नै हो। तु अपने-आपके पबितर राख।

१ तिमोथी 5:9

साइठ बरिस पुगल आ घरबला परती बिस्‍बास योग्‍य रहल घरबालीके मातरे मन्‍डलीसे सहायता पाबैबलाके सुचिमे नाम लिख।

२ तिमोथी 2:24

परभुके सेबक लराइ करैबला आ झगरिया नै हैकेचाही, महज सब लोकसबसे मिलजुइलके रहैबला हैकेचाही, दोसरके सिखाबे सकैबला आ सब बात सैहके रहे सकैबला हेबेपरतै।

तितस 2:2

बुढबासबके परहेज करैले, गहन आ अपने आपके बसमे राखैले सिखा। ओइसबके बिस्‍बासमे, परेममे आ सहनसिलमे बौकार हैलेपरतै कैहके सिखा।

हिबरु 13:2

परदेसीसबके सेबा-सत्‍कार करैले नै बिसर, कथिलेकी अहिनङ कैरके कोइ कोइ थाहे नै पाइबके स्‍वरगदुतसबके अथिती सत्‍कार करने छै।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

१ पतरुस 4:9

एक दोसरके आपन-आपन घरमे बिना कच-कच सेबा-सत्‍कार कर।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।