१ तिमोथी 3:14 - मध्‍य पुरविया थारू

¹⁴ हम तोहरलग जल्‍दी आबैके असा राखने चियौ, महज यि चिठी अहैलेल लिखैचियौ,

१ तिमोथी 3:14 Iomraidhean Croise

१ कोरन्‍थी 11:34

यदि कोइ भुख्‍याल चिही त, उ आपन घरमे खेबे। ताकि तुसब एकसाथ भेला हेब्‍ही त दोसी नै ठहरबिही। औरो बातके बारेमे हम तोरासबलग एबौ त आदेस देबौ।

१ थेसलोनिकी 2:18

हमसब तोरासबलग जाइले चाहैत रहियै। हम पावल त औरो घरि घरि आबैले कोसिस करलियै, महज सैतान हमरासबके बाधा देल्‍कै।

१ तिमोथी 3:13

जे डिकन मन्‍डलीमे निकसे रेख-देख करतै, से एकदमसे आदर पाबतै आ येसु खिरिस्‍टमे करल आपन बिस्‍बासके बारेमे निडर भ्‍याके औरो लोकसबके कहैके लेल बरका साहस पाबतै।

१ तिमोथी 3:15

यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

१ तिमोथी 4:13

हम नै आबैतक बिस्‍बासीसबके तु पबितर धरमसास्‍तर पैढके सुना, साहस दहै आ सिक्‍छासब देबेमे लागल रह।

फिलेमोन 1:22

दोसर बात यि चियै कि हमर लेल एकटा कोठली तयार कैरके राखने रहिये, कथिलेकी तोहर परथनाके कारनसे हम्‍हु तोहर लग आबैके आसा करनेचियै।

हिबरु 13:23

तोरासबके यि थाह दैले चाहैचियौ कि, अपनासबके भाइ तिमोथी जहलसे छुटलछै। यदि उ जल्‍दिए एतै त हम ओकरासङे ल्‍याके तोरासबके भेट मुलकात करैले एबौ।

२ युहन्‍ना 1:12

हमरा तोरासबके लेल लिखैबला बात त बहुतो छै, महज हम कागत आ मैससे लिखैले नै चाहैचियै। बरु तोरासबलग ज्‍याके आमने-सामने भ्‍याके बतियाबैके आसा करनेचियै, ताकी अपनासबके आनन्‍द पुरा भ्‍यासके।

३ युहन्‍ना 1:14

बरु हम तोरा जल्‍दिए भेटमुलाकातके असा करनेचियै आ हमसब आमने-सामने भेटके बातचित करबै।