१ तिमोथी 2:8 - मध्‍य पुरविया थारू

⁸ तैदुवारे हरेक ठाम जते आराधना हैछै, ओते पुरुखसब बिना रिस-खिस आ बाद-बिबाद आपन पबितर हाथ उठाके परथना करे कैहके हम चाहैचियै।

१ तिमोथी 2:8 Iomraidhean Croise

मतीके लिखल सुसमाचार 21:21

तब येसु उसबके जबाफ देल्‍कै, “साँचेके हम तोरासबके कहैचियौ, यदी तोरासबमे बिस्‍बास छौ आ सङका नै कैरके यि अन्‍जिरके गाछके जे हम करलियै अतबेक नै, महज यि पहारके ‘तु अतेसे उखैरके समुन्‍दरमे खस’ कहबिही त तहिनङे हेतौ।

मतीके लिखल सुसमाचार 5:44

महज हम तोरासबके कहैचियौ, आपन दुस्‍मनोसबसे परेम कर आ तोरासबके सताबैबलासबके खातिर परथना कर,

मतीके लिखल सुसमाचार 6:12

हमरासबके अपराध छमा करु, जनङ हम्‍हुसब आपन अपराधीसबके छमा करनेचियै।

लुका 23:34

तब येसु कहल्‍कै, “हे पिता, अकरासबके छमा कैरदियौ, कथिलेत यीसब कथी करैछै से नै जानैछै।” तब उसब येसुके बस्‍तर लैले चिठा लग्‍याके भाग लगाइल्‍कै।

लुका 24:50

तकरबाद येसु आपन चेलासबके बेथानिया गाम दिसन ल्‍यागेलै आ आपन दुनु हाथ उठाके उसबके आसिरबाद देल्‍कै।

युहन्‍ना 4:21

येसु ओकरा जबाब देल्‍कै, “हे जनि, हमरा बिस्‍बास कर, उ समय आइबरहलछौ, जब तुसब नै त यि पहारमे नै त यरुसलेममे पिताके आराधना करबिही।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

परेरित 10:31

आ कहल्‍कै, ‘करनेलियस, परमेस्‍वर तोहर परथना सुन्‍नेछौ आ तोहे गरिबसबके दान करल असल कामसब उ जानैछै।

परेरित 10:4

करनेलियस स्‍वरगदुत दिसन डेरा-डेराके ताकल्‍कै आ कहल्‍कै, “कहु परभु” स्‍वरगदुत कहल्‍कै, “तोहर परथना आ गरिबसबके उपर देख्‍याल दयाके कामसब परमेस्‍वर देख्‍ने छौ। परमेस्‍वर तोहर सब असल कामके भेटीके रुपमे सुइकार करनेछौ।

परेरित 21:5

जब जाइबला समय आइबगेलै तब हमसब बिदा भ्‍याके आपन रस्‍तामे अगा बरहलियै। चेलासब आपन घरबाली आ बाल-बच्‍चाकेसङे हमरासबके अरियातैले नगर बाहरतक एलै। हमसब समुन्‍दरके पखामे ठेङहुनिया द्‍याके परथना करलियै।

परेरित 7:60

उ ठेङहुनिया द्‍याके जोरसे कहल्‍कै, “हे परभु, यि पापके दोस अकरौरके नै लागे।” अतहेक कहलाके बाद ओकर परान छुइटगेलै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 7:7

सबलोक हमरे जखा बियाह नै कैरके रहे से हमर इक्‍छाछै। महज कोनो लोक परमेस्‍वरसे बियाह करैबला बरदान पाबने छै त कोनो लोक नै करैबला।

२ कोरन्‍थी 2:14

परमेस्‍वरके धन्‍यबाद हेबे, उ अपनासबके खिरिस्‍टमे सबदिन बिजयके लेल चलाबैछै। ओकर ग्‍यानके गमक अपनासबसे हरेक जगहमे फैलाबैछै।

फिलिप्‍पी 1:12

हे भाइ-भैयासब, तोरासबके यि थाह हेबे कैहके हम चाहैचियै कि हमरमे जे बित्‍लै तैसे बहुतो लोकसबके सुसमाचार सुनैके मौका भेटलछै।

१ थेसलोनिकी 1:8

तोरेसबके केबल माकेडोनिया आ अखैयामे मातरे नै महज परमेस्‍वरके बचन तोहरसबके बिस्‍बासके बात सेहो सब ठामसबमे फैलगेलै। अहैलेल अकर बारेमे औरो कुछो कहैके जरुरी नै छै।

१ तिमोथी 5:14

अहैलेल हम जबान मसोमातनीसबके फेनसे बियाह कैरके बेटा-बेटी जलमाबे आ घर गिरहस्‍ती चलाबे कैहके सल्‍लाह दैचियै। ओहेन करलासे डाह करैबलासबके निन्‍दा करैके मौका नै भेटतै।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

१ पतरुस 3:7

तहिनङे घरबलासब, आपन-आपन घरबालीसबसङे बिचारसिल भ्‍याके रह आ ओइसबके अबला माइनके आदर कर। मनमे याद राख कि तोहरे जखा अनन्‍त जिबनके बरदानमे सहभागी छौ। अनङ करबिही त तोरासबके परथनामे कोनो किसिमके बाधा नै परतौ।