१ तिमोथी 2:5 - मध्‍य पुरविया थारू

⁵ कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।

१ तिमोथी 2:5 Iomraidhean Croise

मतीके लिखल सुसमाचार 1:1

अबराहम आ दाउदके सन्‍तान येसु खिरिस्‍टके बंसाबली ऐनङके छै।

मतीके लिखल सुसमाचार 1:23

“देख, कुमाइर छौरीके देहभारी हेतौ आ उ एकटा बेटा जलमाइतौ आ ओकर नाम इम्‍मानुएल राखल जेतै” जकर अरथ हैछै, “परमेस्‍वर हमरासबसङे छै।”

लुका 14:22

“तब नोकर कहल्‍कै, ‘मालिक अहाँके अरहयाल बमोजिम करलियै, तैयो औरो ठामसब खालिये छै।’

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

रोमी 1:3

उ सुसमाचार परमेस्‍वरके बेटा, येसु खिरिस्‍टके बिसयमे चियै। उ लोक भ्‍याके रजा दाउदके बंसमे जलम लेल्‍कै।

रोमी 10:12

यहुदी आ गैर-यहुदी जातीमे कोनो फरक नै छै। उसबके एके परभु चियै आ ओकरा पुकारैबलासबके उ परसस्‍त कैरके आसिस दैछै।

१ कोरन्‍थी 8:4

तैखातिर मुरुतिके चरह्‍याल खाइले मिलैछै कि नै मिलैछै तैके बारेमे हमसब जानैचियै कि, सन्‍सारके मुरती किछो नै चियै आ एक मातरे परमेस्‍वर बाहेक औरो कोइ नै छै।

१ कोरन्‍थी 8:6

महज हमसब जानैचियै कि, अपनासबके एक मातरे परमेस्‍वर पिता छै, जकरसे सब चिजके सिरिस्‍टी भेलै आ हमसब ओकरे लेल जियैचियै। अपनासबके थाहछै कि, अपनासबके एक मातरे परभु, येसु खिरिस्‍ट छै। ओकरेसे सबकुछ सिरिस्‍टी भेलै आ जकरसे हमसब जियैचियै।

गलाती 3:20

मिलाप हैकेलेल दुनु पक्‍छ चाही महज परमेस्‍वर एक पक्‍छ मातरे छै।

एफिसी 4:6

सबके परमेस्‍वर पिता एके छै। वह्‍या सबकोइ उपर राज करैछै, सब कोइसे काम करैछै आ सब कोइके हिरदयमे बास करैछै।

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

हिबरु 8:6

महज येसुके भेटल सेबाके काम औरो पुजारीसबके कामसे एकदमे सेरेस्‍ठछै। ओहिनङे परमेस्‍वर आ ओकर लोकसबके बिचमे येसुके बान्‍हल लबका करार पुरन्‍का करारसे सेरेस्‍ठछै, कथिलेत यि करारके जग उतम परतिग्‍यासबमे आधारितछै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।

परकास 1:13

हम डैठके बिचमे मानबके बेटा जखा टाङतक लाम बस्‍तर लगाइने आ छातिमे सोनाके चाकर-चौरस फिता लगाइने एक गोराके हम देखलियै।