१ तिमोथी 1:9 - मध्‍य पुरविया थारू

⁹ अपनासब यि बात जानैचियै कि बेबस्‍था असल लोकके लेल नै बनलछै महज अकर बेबस्‍था भङ करैबलासबके लेल, अपराध करैबलासबके लेल, आग्‍यापालन नै करैबलाके लेल, भक्‍तीहिन आ पापीसबके लेल, अपबितर आ दुस्‍ट, अधरमी आ आपन बाप-महताइरसबके हतिया करैबलासबके लेल आ औरोसबके हतिया करैबलासबके लेल बनलछै।

१ तिमोथी 1:9 Iomraidhean Croise

मतीके लिखल सुसमाचार 10:21

“एक भाइ दोसर भाइके, बाबु आपन धियापुताके आ धियापुता आपन माँ-बाबुके बिरोधमे उठतौ आ एक-दोसरके मारे लगाइतौ।

रोमी 1:30

उसब दोसरके निन्‍दा करैछै आ परमेस्‍वरके सेहो घिरना करैछै। ककरो आदर नै करैछै महज आपने घमन्‍डसे फुलल रहैछै आ बरका बारका धाख लगाइछै। खराब काम करैले लया लया उपाय रचैछै। उसब आपन बाप-महतारके कहल बात नै टेरैछै।

रोमी 4:13

अबराहम बेबस्‍था पालन करलाके कारनसे नै महज परमेस्‍वरमे करल बिस्‍बास दुवारा धरमी ठहरलाके चल्‍ते परमेस्‍वर ओकरा आ ओकर बेटा-बेटीसबके सन्‍सारके हकबला बनाबैके परतिग्‍या करल्‍कै।

रोमी 5:20

लोकसब अपना कतहेक पाप करनेचियै से जानैके लेल परमेस्‍वर ओकरासबके बेबस्‍था देल्‍कै। लोकसबके पाप जतहेक बरहैत गेलै परमेस्‍वरके अनुगरह ओतहेक बेसिसे बरहैत गेलै।

रोमी 6:14

पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

गलाती 3:19

तब बेबस्‍था कथिले देल्‍कै? पाप चिन्‍हाबैके लेल देल्‍कै आ परतिग्‍या करल अबराहमके सन्‍तान नै आबैतक ओकर आवसेक परलै। परमेस्‍वर कुछ स्‍वरगदुतसबसे बेबस्‍था मोसाके देल्‍कै, उ परमेस्‍वर आ लोकके बिचमे मिलाप कराइबला छेलै।

गलाती 5:18

महज तुसब पबितर आत्‍माके अगुवाइसे चलैचिही त, तुसब बेबस्‍थाके अधिनमे नै चिही।

गलाती 5:21

डाह, पियकरपन, मोजमजा करनाइ आ अहिनङे काम करैबलासब परमेस्‍वरके राजके हकदार हैले नै सक्‍तै कैहके हम तोरासबके चेताबनी दैचियौ आ पहिने सेहो देने छेलियौ।

गलाती 5:23

नमरता, आपनेके अधिनमे राखनाइ चियै। तकर बिरोधमे कोनो बेबस्‍था नै छै।

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

१ तिमोथी 4:7

तु इस्‍वरहिन आ अरथहिन खिसा-पिहानी सबसे दुर रह। बरु परमेस्‍वरके पसिन परैबला जिबन जियैके कोसिस कर।

१ तिमोथी 6:20

हौ तिमोथी, जे जिम्‍मा परमेस्‍वर तोरा देने छौ ओकरा निकसे देखभाल कर। परमेस्‍वरके अपमान हैबला मुरुख बातसबसे आ कतहेक लोक परमेस्‍वरके बिरोध करैबला बातके “ग्‍यान” कैहके मानने छै तै झुठ बातसबसे अलग रह।

२ तिमोथी 2:16

महज तु परमेस्‍वरके अपमान करैबला आ काम नै काजके बातसे दुर रह, कथिलेत एहेन बात लोकसबके परमेस्‍वरसे दुर ल्‍याजाइछै।

२ तिमोथी 3:2

कथिलेत लोक आपन स्‍वारथ मातर देखैबला, पैसा-कौरीके लोभ करैबला, आपनके बरका मानैबला, घमन्‍ड करैबला आ परमेस्‍वरके बिरोध करैबला हेतै। उसब आपन माँ-बापके बात नै मानैबला, असलो कामके खातिर धन्‍यबाद नै दैबला आ अपबितर हेतै।

तितस 1:10

कथिलेकी बहुतो एहेन लोकसब रहै जेसब अगुवासबके अधिनमे रहैले नै मानै, बेरथके बात करै आ दोसरके धोखा दैछै। खास कैरके त खतना हैकेचाही कहैबलासब ओहेन हैछै।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

तितस 1:6

मन्‍डलीके एल्‍डरसब निरदोस जिबन बिताइबला आ एकेटा घरबाली भेल लोक रहैके चाही। ओकर बेटा-बेटी बिस्‍बासी, असल चरितर आ कहल मानैबला हैकेचाही।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

हिबरु 11:31

बेसिया राहाब बिस्‍बासेके भरमे परमेस्‍वरके बात नै मानैबलासबके सङे मरैले नै परलै कथिलेकी उ ओते सुराक लैले एल इजराएलीसबके स्‍वागत करने छेलै।

हिबरु 12:16

कोइ नै फेन ककरोसे अनैतिक सरिरके यौन समबन्‍ध नै राख या एसावके जखा अधरमी नै हो, जे एक छाक खानाके लेल उ आपन पाबलहा जेठौस हक बेचदेल्‍कै।

१ पतरुस 2:7

बिस्‍बास करैबला तोरासबके लेल यि पथल अनमोल छौ। बिस्‍बास नै करैबालासबके लेल त यि पथल एहेन छै, “जै पथलके मिसतिरीसब बेकार समैझके फेकदेनेछेलै वह्‍या पथल जगके मुल खम्‍हा भेलै।”

१ पतरुस 3:20

उ आत्‍मासब पहिने परमेस्‍वरके आग्‍यापालन नै करल्‍कै जहिया नोआ पानी जहाद बनाबै छेलै। उसब आपन पापसे फिरतै कि कैहके धिरजकेसाथ परमेस्‍वर असियाल छेलै। जहादमे कमे लोक, अरथात आठ गोरे मातरे जल परलयसे बचल छेलै।

१ पतरुस 4:18

कथिलेकी पबितर धरमसास्‍तरमे एहेन लिखल छै, “यदि धरमी लोकसबके मुक्‍ती कठिनसे हैछै त अधरमी आ पापी लोकसबके दसा औरो केहेन हेतै?”

यहुदा 1:15

उ सब लोकसबके नियाय करतै। तब ओइसबके अधरमसे करल सब दुस्‍ट काम आ ओकर बिरोधमे हरेक घिनलागैबला बात बोलैबला दुस्‍ट लोकके दन्‍ड देतै।”

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।