१ तिमोथी 1:5 - मध्‍य पुरविया थारू

⁵ हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ तिमोथी 1:5 Iomraidhean Croise

मतीके लिखल सुसमाचार 12:35

असल लोक आपन मनमे असल बातसे भरल भन्‍डारसे असले बात निकालैछै आ खराब लोक आपन मनमे खराब बातसे भरल भन्‍डारसे खराबे बात निकालैछै।

मतीके लिखल सुसमाचार 5:8

धैनके चियै सुध हिरदयबलासब, कथिलेत उसब परमेस्‍वरके देखतै।

परेरित 15:9

परमेस्‍वर ओकरासबमे आ अपनासबमे कोनो भेदभाव नै करल्‍कै, महज ओइसबके मन सुध करल्‍कै कथिलेत उसब परभुमे बिस्‍बास करल्‍कै।

परेरित 23:1

तब पावल महासभा दिसन एकटक लग्‍याके ताकल्‍कै आ कहल्‍कै, “हौ भैयारीसब, हम आपन सुध मनसे परमेस्‍वरके नजरमे आइके दिनतक निरदोस जिबन बिताइने चियै।”

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

रोमी 10:4

कथिलेत येसु खिरिस्‍ट बेबस्‍थाके पुरा करल्‍कै। आब जेसब ओकरमे बिस्‍बास करतै, उसब परमेस्‍वरके नजरमे धरमी ठहरतै।

रोमी 12:9

तोरासबके परेम देखाबटी नै महज सत हेबे। खराब काम छोइरके असल काममे लागल रह।

रोमी 14:15

यदि तु जे खाइचिही ओइसे तोहर आपने भाइके चित दुखैछौ त, तु आपन भाइके परेमे नै करैचिही। खिरिस्‍ट आपन परान देके बच्‍याल भाइ तोहर खाइबला चिजसे नास नै हेबे।

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

१ कोरन्‍थी 13:1

यदि हम लोकसबके किसिम-किसिमके भसा आ स्‍वरगदुतसबके भसामे बाज्‍बै महज हमरमे परेम नै छै त, हम टिङ-टिङ बजैबला घन्‍टी या झाइ-झाइ करैबला झाइल मातरे हेबै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

१ तिमोथी 1:18

हमर बेटा तिमोथी, तोहर बारेमे पहिने करल अगमबानी बमौजी हम तोरा यि कहैचियौ कि तु सब बात पालन कर ताकि निडर भ्‍याके उतम लराइ लरैले सकबिही।

१ तिमोथी 1:19

तै बखत तु बिस्‍बासमे असथिर रह आ असल बिबेक बच्‍याके राख। कोइ-कोइ बिबेक अनुसार नै चलैके कारन आपन बिस्‍बासके नास कैनेछै।

१ तिमोथी 3:9

ओइसबके परमेस्‍वरसे परकट करल बिस्‍बासमे गरल सत्‍यके सुध बिबेकसे पकरने रहैके चाही।

२ तिमोथी 1:3

हम तोरा आपन परथनामे याद करैचियौ आ हम हरदम परमेस्‍वरके धन्‍यबाद दैचियै। जनङ हमर पुरखासब परमेस्‍वरके सेबा-टहल करने छेलै, तैहनङ हम्‍हु सुध बिबेकसे करैचियै।

२ तिमोथी 1:5

हम तोहरमे भेल निसकपट बिस्‍बासके याद करैचियौ। जे बिस्‍बास तोहर नानी लोइस आ तोहर माँ युनिसमे छेलौ। हमरा पुरा बिस्‍बास छै, जे उ बिस्‍बास तोरोमे छौ।

२ तिमोथी 2:22

तैल्‍याके तु जबानीके अधलाह ललसासे दुर रह आ सुध हिरदयसे परभुके पुकारैबला सब सङे धारमिक्‍ता, बिस्‍बास, परेम आ सान्‍तीके पछा लाग।

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 13:18

हमरासबके लेल निरन्‍तर परथना करैतरह। हमरासबके बिस्‍बास छै कि, हमरासबके बिबेक सुधछै कथिलेकी हमसब सबकाम इमान्‍दारसे करैले चाहैचियै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 3:16

महज नर्‌म भ्‍याके आदरकेसाथ सुध बिबेकसे ओइसबके जबाफ दहै। यदि तुसब एहेन करबिही त, खिरिस्‍टमे भेल तोरासबके असल चालचलन देखके तोरा बदनाम करैबला आपने लाजमे परतै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।