१ तिमोथी 1:20 - मध्‍य पुरविया थारू

²⁰ ओइसबमे परैबला हुमेनियस आ अलेक्‍जेन्‍डर चियै। उसब परमेस्‍वरके बदनामी करैले छोरे कैहके हम ओकरासबके सैतानके हाथमे सोइप देलियै।

१ तिमोथी 1:20 Iomraidhean Croise

मतीके लिखल सुसमाचार 18:17

यदी उ ओकरोसबके बात नै सुन्‍तौ त, तकर जानकरी मन्‍डलीमे दहै। उ मन्‍डलीयोके बात नै सुन्‍तौ त, ओकरा गैर-यहुदी आ बटी उठाइबलासबके जखा समझ।

परेरित 13:45

लोकसबके भिर देखके यहुदीसब एकदमसे डाह करे लाग्‍लै। पावल जे बाजैछेलै तै बातके उसब अपमान करैत ओकर बिरोध करे लाग्‍लै।

परेरित 19:33

तखुन्‍ते भिरके कुछ लोकसब अलेक्‍जेन्‍डरके अगारी लाबल्‍कै, जकरा यहुदीसब खरा करेने छेलै। तब अलेक्‍जेन्‍डर हाथसे इसरा करल्‍कै आ लोकसबके अगा बचाउके लेल कुछ बोलैके इक्‍छा करल्‍कै।

१ कोरन्‍थी 11:32

जब परभु अपनासबके नियाइ करतौ, उ अपनासबके अनुसासनके लेल करतौ, ताकि हमसब सन्‍सारके लोकसब जखा दोसी नै ठहरबै।

२ कोरन्‍थी 10:6

जब तुसब पुरा रुपसे खिरिस्‍टके आग्‍या मानबिही तब आग्‍या नै मानैबलासबके सजाय दैकेलेल हमसब तैयार हेबै।

२ कोरन्‍थी 13:10

हम तोरासबसे दुर भेल बखत यि लिखैचियौ, ताकि तोरासबलग एबौ त परभुके देल अधिकारके करासाथ परयोग करैले नै परे। यि अधिकार तोरासबके बिगारके लेल नै महज सुधारैके लेल हमरा देनेछै।

२ थेसलोनिकी 3:15

तैयो ओकरा दुस्‍मन नै मान, महज एकटा भाइ माइनके चेताबनी दहै।

१ तिमोथी 5:15

कथिलेकी कतहेक कम उमेरके मसोमातनीसब पहिनेसे बहैकके सैतानके रस्‍ता पर चैलगेलछै।

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

२ तिमोथी 2:17

एहेन सिक्‍छा त भितरे-भितर सैंरते जाइबला घाउ जखा हैछै। एहेन सिक्‍छा दैबलामेसे हुमेनियस आ फिलेतस चियै।

२ तिमोथी 3:2

कथिलेत लोक आपन स्‍वारथ मातर देखैबला, पैसा-कौरीके लोभ करैबला, आपनके बरका मानैबला, घमन्‍ड करैबला आ परमेस्‍वरके बिरोध करैबला हेतै। उसब आपन माँ-बापके बात नै मानैबला, असलो कामके खातिर धन्‍यबाद नै दैबला आ अपबितर हेतै।

हिबरु 12:5

कि परमेस्‍वर तोरासबके आपन बेटा जखा माइनके देल उपदेस बिसैरगेल चिही? उ कहल्‍कै, “हे हमर बेटा, परभुके अनुसासनके तुसब बेरथके नै समझ, उ तोरासबके गल्‍तीमे हप्‍काइछौ त निरास नै हो,

परकास 13:1

हम समुन्‍दरके बालु उपर ठारभेल छेलियै तकरबाद समुन्‍दरसे निकैलके आबैत एकटा जानबर हम देखलियै। उ जानबरके दसटा सिङ आ सातटा मुरी छेलै आ सब सिङमे एकटा-एकटा मुकुट छेलै आ ओकर सब मुरीमे परमेस्‍वरके अपमान करैबला नाम लिखल छेलै।

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।