१ तिमोथी 1:15 - मध्‍य पुरविया थारू

¹⁵ यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

१ तिमोथी 1:15 Iomraidhean Croise

मतीके लिखल सुसमाचार 1:21

उ एकटा बेटा जलमाइतौ आ तु ओकर नाम येसु राखिहे, कथिलेत उ आपन लोकसबके ओकरासबके पापसे बचाइतौ।”

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

मतीके लिखल सुसमाचार 18:11

[कथिलेत मानबके बेटा हरेल्‍हासबके बचाइले एलछै।]

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मतीके लिखल सुसमाचार 9:13

तुसब परभुके कहल बातके अरथ ज्‍याके सिख, ‘हम बैल भोग नै महज दया चाहैचियौ।’ कथिलेत हम धरमीसबके नै, महज पापीसबके बोलाइले एलचियौ।”

मरकुस 2:17

येसु सुइनके उसबके कहल्‍कै, “निरोगीसबके बैधके जरुरत नै परैछै महज रोगीसबके परैछै। हम धरमीसबके नै महज पापीसबके पापसे पस्‍चाताप करैके लेल बोलाइले एलचियौ।”

लुका 15:2

तब फरिसीसब आ धरमगुरुसब गुनगुनावे लाग्‍लै “यि लोक त पापी लोकसबके स्‍वागत करैछै आ ओइसबके सङे-सङे बैठके खान-पिन करैछै।”

लुका 19:10

कथिलेत मानबके बेटा हरेल्‍हाके ताकैले आ बचाइले एलछै।”

लुका 5:32

तैहनङे हम धरमीसबके नै महज पापीसबके पापसे पस्‍चातापके लेल बोलाइले एलचियौ।”

युहन्‍ना 1:12

जेसब ओकरा सुइकार करल्‍कै आ ओकरमे बिस्‍बास करल्‍कै, तैसबके उ परमेस्‍वरके धियापुता हैके हक देल्‍कै।

युहन्‍ना 1:29

तकर बिहानके युहन्‍ना येसुके आपन दिसन आबैत देखके कहल्‍कै, “देख, यि सन्‍सारके पाप उठाके लजाइबला परमेस्‍वरके थुमा चियै।

युहन्‍ना 12:47

यदी कोइ हमर कहल बचन सुनैछै आ ओइ बचनके पालन नै करैछै तकर हम नियाय नै करबै। कथिलेकी हम सन्‍सारमे नियाय करैले नै एलचियै, महज सन्‍सारके बचाइले एलचियै।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

परेरित 11:1

गैर-यहुदीके लोकसब परमेस्‍वरके बचनमे बिस्‍बास करल्‍कै से बात परेरितसब आ यहुदिया इलाकामे रहैबला परभुमे बिस्‍बास करैबला लोकसब सुनल्‍कै।

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 3:26

तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

रोमी 11:14

हमर करल यि सेबासे आपने यहुदी जातिके लोकसबके डाही बनाइले सकी आ ओइसबमेसे कोइ-कोइ पस्‍चाताप कैरके परमेस्‍वरमे बिस्‍बास करे कैहके हमर आसा छै।

रोमी 5:6

हमसब अपनेसे मुक्‍तीके लेल कुछो करैले नै सकैबला भेलाके कारनसे खिरिस्‍ट अपनेसे ठिक समयमे हमरासबके लेल मरलै।

१ कोरन्‍थी 15:9

हम परेरितसबमेसे सबसे तुच्‍छ चियै। हम परेरित कहैके योग्‍यके नै चियै कथिलेत हम परमेस्‍वरके मन्‍डलीके सताइने चियै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

१ तिमोथी 1:19

तै बखत तु बिस्‍बासमे असथिर रह आ असल बिबेक बच्‍याके राख। कोइ-कोइ बिबेक अनुसार नै चलैके कारन आपन बिस्‍बासके नास कैनेछै।

१ तिमोथी 3:1

यि बात त एकदम सत चियै कि, जे लोक मन्‍डलीके रेखदेख करैबला अगुवाके काम करैले इक्‍छा करैछै त उ एकदम असल करैले चाहैछै।

१ तिमोथी 4:9

यि बात एकदम सत चियै आ यि पुरा रुपसे सुइकार करे परतै।

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

२ तिमोथी 2:11

यि बात एकदम सत छै, यदी हमसब ओकरसङे मरल चियै त, ओकरेसङे जिबै।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

१ युहन्‍ना 3:5

तुसब जानैचिही कि लोकसबके पाप दुर करैले खिरिस्‍ट परगट भेलै आ ओकरमे कोनो पाप नै छै।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

१ युहन्‍ना 5:11

उ साक्‍छी यि चियै कि परमेस्‍वर अपनासबके अनन्‍त जिबन देने छै आ उ जिबन ओकर बेटामे छै।

परकास 21:5

तब सिंहासनमे बिराजमान रहैबला परमेस्‍वर कहल्‍कै, “देख! हम सबचिज लया बनाइबै।” उ हमरा अहिनङो कहल्‍कै, “यि लिख, यि बात बिस्‍बासयोग्‍य आ सत छै।”

परकास 22:6

तकरबाद उ स्‍वरगदुत हमरा कहल्‍कै, “यि बचन बिस्‍बासयोग्‍य आ सत छै। अगमबक्‍तासबके पबितर आत्‍मा दैबला परभु परमेस्‍वर आपन सेबकसबके आब जल्‍दिए हैबला घटनासब देखाइके लेल स्‍वरगदुतके पठाइल्‍कै।”

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।