१ तिमोथी 1:13 - मध्‍य पुरविया थारू

¹³ एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

१ तिमोथी 1:13 Iomraidhean Croise

लुका 12:47

“आपन मालिकके इक्‍छा जाइनके तयार नै रहै आ करैबला काम नै करैछै तेहन मुखियाके मालिक सजायके भागिदार बनेतै।

लुका 23:34

तब येसु कहल्‍कै, “हे पिता, अकरासबके छमा कैरदियौ, कथिलेत यीसब कथी करैछै से नै जानैछै।” तब उसब येसुके बस्‍तर लैले चिठा लग्‍याके भाग लगाइल्‍कै।

परेरित 22:4

परभुके बाटमे लागल लोकसबके सताइत-सताइत जानसे माइर दैछेलियै। हम्‍ही मरद आ जनी सबके पकैर-पकैरके ढोकैले लगाइ छेलियै।

परेरित 3:17

“पिरिय भाइसब, हमरा थाहछै कि तुसब अनजानमे अनङ करलिही आ तोरौरके सासकोसब अहिनङे करल्‍कौ।

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

परेरित 9:1

साउल परभु येसुके बिस्‍बासीसबके बिरोधमे धम्‍कि दैछेलै आ मारैके धुनमे परधान पुजारी लग गेलै,

परेरित 9:13

महज हननिया कहल्‍कै, “परभु, यि लोक यरुसलेममे अहाँके चेलासबके बहौत दुख देनेछै से हम बहौत लोकसबसे सुन्‍नेचियै।

परेरित 9:5

तब साउल कहल्‍कै, “परभु, अहाँ के चियै?” उ कहल्‍कै, “हम येसु चियौ, जकरा तु सताबैचिही।

१ कोरन्‍थी 15:9

हम परेरितसबमेसे सबसे तुच्‍छ चियै। हम परेरित कहैके योग्‍यके नै चियै कथिलेत हम परमेस्‍वरके मन्‍डलीके सताइने चियै।

१ कोरन्‍थी 7:25

आब कुमारीसबके बारेमे हमरसङे परभुके आग्‍या किछो नै छौ। महज हम परभुके अनुगरहसे एक बिस्‍बासयोग्‍य लोक भेलाके कारन तोरासबके यि सल्‍लाह दैचियौ।

गलाती 1:13

तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

फिलिप्‍पी 3:6

जोसके बिसयमे कहबै त मन्‍डलीके सताबैबला, धारमिकताके बिसयमे कहबै त बेबस्‍थामे भेल धारमिकतासे हम निस्‍खोट ठहरलचियै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

हिबरु 4:16

अहैलेल अपनासब परमेस्‍वरके अनुगरहके सिंहासनके अगा निडर भ्‍याके चल आ खाचो परलहा समयमे सहायता पाबैके लेल किरपा आ अनुगरह पाबैले सकी।

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।