१ तिमोथी 1:10 - मध्‍य पुरविया थारू

¹⁰ अतबे नै बेबस्‍था त बेबिचार करैबलासबके लेल, समलिङगी सबके लेल, अपहरन करैबलासबके लेल, झुठ बोलैबला, झुठ किरिया खाइबलासबके लेल आ सत सिदान्‍तके बिरोधमे हैबला औरो बहुतो कामसबके बिरोधमे बनलछै।

१ तिमोथी 1:10 Iomraidhean Croise

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

रोमी 1:26

ओहैसे परमेस्‍वर ओकरासबके घिनलागैबला बेबिचारके इक्‍छामे ओइसबके छोइरदेल्‍कै। ओइसबके घरबालीसब आपन घरबलासङे स्‍वभाबिक सहवास राखैके छोरके जनी जनीसङे घिनलागैबला सहबास करल्‍कै।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

१ तिमोथी 6:3

यदी कोइ झुठ सिदान्‍त सिखाबैछै आ आपन परभु येसु खिरिस्‍टके देल साँचो सिक्‍छा आ परमेस्‍वरके भक्‍ति हैबला सिक्‍छामे सहमत नै हेतै त,

२ तिमोथी 1:13

खिरिस्‍ट येसुमे भेल बिस्‍बास आ परेममे अस्‍थिर रैहके हमरसे सिखल्‍हा असल सिक्‍छाके तु नमुना बैनके लोकसबके सिखा।

२ तिमोथी 4:3

कथिलेत आब एहेन समय आइबरहल छै कि लोकसब सहि सिक्‍छाके बात सुनैले बरदास नै करतै। बरु आपने इक्‍छाके पछा भाग्‍तै। उसब आपन इक्‍छासे ओहै गुरुसबके ढेरियाइतै जे ओइसबके सुनैले मज्‍जा लागैबला बातसब सुनाइतै।

तितस 1:13

यि कहल बात साँचोके चियै। अहैलेल ओइसबके करासे चेताइनाइ जरुरी छै, ताकि उसब बिस्‍बासमे बौकार हेबे।

तितस 1:9

ओकरा सिख्‍याल बिस्‍बासयोग्‍य बचनमे अस्‍थिर रहेपरतै ताकि औरोकेभी यि सतके बचनसे उत्‍साह देबेसकेबला हेबे आ यि सतके बचनसे बिरोध करैबलासबके सेहो गल्‍ती देखाइबला हेबे।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

यहुदा 1:7

तहिनङे सदोम, गमोरा आ ओकर कातकरौतके सहरके लोकसब एक एक कैरके दोसर घिनौना बेबिचारके काम करे लाग्‍लै। उसब आइगमे नास भ्‍याके कहियो नै बुताइबला आइगके दन्‍ड पाबैबलासबके लेल उदाहरन बन्‍लै।

परकास 18:13

ओकरासबके दालचिनी, मसला, महग अतर, गमकौवा धुप, उजर धुप, मध, जैतुनके तेल, मैदा आ गहुम, गाइ-भैसिसब, भेंरासब, घोरासब, रथसब, कमारा-कमारीसब किछो नै किन्‍तौ।

परकास 21:27

महज असुध चिज, घिरनित काम करैबला आ झुठ बोलैबलासब उ सहरके भितर जाइले नै पाबतै। थुमाके जिबनके किताबमे नाम लिखलहासब मातरे ओते जाइले पाबतै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।