१ थेसलोनिकी 3:8 - मध्‍य पुरविया थारू

⁸ कथिलेकी तुसब परभुमे अस्‍थीर चिही कैहके जब हमसब सुनलियै त हमसब नया जिबन पाबल जखा लागल।

१ थेसलोनिकी 3:8 Iomraidhean Croise

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

१ कोरन्‍थी 16:13

होसियार भ्‍याके बिस्‍बासमे अरल रह। साहसी आ बौकार हो।

गलाती 5:1

खिरिस्‍ट अपनासबके स्‍वतन्‍तर करने छै। तहैलेल बौकार भ्‍याके खरा हो आ फेनसे बेबस्‍थाके दास हैले नै परे।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

फिलिप्‍पी 1:21

कथिलेकी हमर जिबन जियैके मतलब खिरिस्‍टके लेल जिनाइ चियै महज मरनाइ हमर लेल लाभ चियै।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

१ थेसलोनिकी 3:7

ओहैसे हे हमर भाइसब, तोरासबके बिस्‍बासके असल खबर सुनैके कारन हमसब आपन सब दुख आ कस्‍टसबमे साहस पाबनेचियै।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

२ पतरुस 3:17

महज हे हमर पिरियसब, तुसब त यि बातसब पहिनेसे बुझलाके कारन होसियार रह। तब दुस्‍ट लोक तोरासबके अलमलमे नै परेसक्‍तौ आ तोरासबके बौकार बिस्‍बास कमजोर नै हेतौ।

परकास 3:11

हम जल्‍दिए आइबरहल चियौ। तोहरमे भेल बिस्‍बासके बचाके राख ताकी कोइ नै तोरासे बिजयके मुकुट छिनके लेबे।

परकास 3:3

अहैलेल तु जे सिक्‍छा सुनने आ सिखनेचिही ओकरा याद कर। उ बातमे लागल रह आ पापसे पस्‍चाताप कैरके मन परिबरतन कर। यदि तुसब जागल नै रहबिही त, हम चोर एल जखा सुटुकसे एबौ आ हम कोन घरी एबौ से तु थाह नै पाबबिही।