१ थेसलोनिकी 2:8 - मध्‍य पुरविया थारू

⁸ हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।

१ थेसलोनिकी 2:8 Iomraidhean Croise

लुका 7:2

ओते रोमी कप्‍तानके एक गोरे पिरिय नोकर बिमारसे मरे लागल छेलै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

रोमी 10:1

हे हमर भाइ-भैयासब, इजराएलीसब मुक्‍ती पाबे कैहके हमर भितरी चाहना छै। तैल्‍याके हम अकरासबके लेल परमेस्‍वरसे परथना करैचियै।

रोमी 15:29

जब हम तोरासबलग एबौ, तब येसु खिरिस्‍टके देल भरपुर आसिस ल्‍याके एबौ।

२ कोरन्‍थी 12:15

तोरासबके भलाइके लेल हमरसङे भेल सब चिज खुसिसे देबौ आ अपना स्‍वयमके देबौ। यदि हम तोरासबके बेसी परेम करैचियौ त कथिले हमरा कमतियै परेम करैचिही?

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

गलाती 4:19

हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

फिलिप्‍पी 2:20

तिमोथी जखा तोरासबके सुध मनसे वास्‍ता करैबला असल लोक त हमरसङे औरो कोइ नै छै।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

कलस्‍सी 1:28

तैखातिर हमसब ग्‍यानमे सबलोकके चेताबनी आ सिक्‍छा दैत खिरिस्‍टके बारेमे परचार करैचियौ ताकी सबलोकके खिरिस्‍टमे परिपक बन्‍याके परमेस्‍वरके अगा लाबैले सकी।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

फिलेमोन 1:1

हम पावल, येसु खिरिस्‍टके बारेमे सुसमाचार परचार कैरके जहलमे परल आ अपनासबके बिस्‍बासी भाइ तिमोथीयोके तरफसे अपनेसबके जखा काम करैबला पिरिय फिलेमोनके लेल,

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।