१ पतरुस 5:3 - मध्‍य पुरविया थारू

³ तोरासबके जिम्‍मामे देल बिस्‍बासीसब उपर हुकुम नै चला महज ओइसबके लेल एकटा उदाहरन बन।

१ पतरुस 5:3 Iomraidhean Croise

युहन्‍ना 13:15

कथिलेत जहिनङे हम तोरासबके करनेचियौ तहिनङे तोरोसबके करे परतौ कैहके हम एकटा नमुना देने चियौ।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

१ कोरन्‍थी 11:11

तैयो परभुमे जनि पुरुखसे स्‍वतन्‍तर नै हैछै आ पुरुखो जनिसे स्‍वतन्‍तर नै हैछै।

१ कोरन्‍थी 3:5

अपोल्‍लोस के चियै? आ पावल के चियै? हमसब त परमेस्‍वरके खट्‍याल सेबकसब मातरे चियै, जकरसे तुसब बिस्‍बास करलिही। हमसब त परभुके खट्‍याल काम मातरे करैचियै।

१ कोरन्‍थी 3:9

कथिलेत सङे-सङे हमसब परमेस्‍वरके काम करैबला चियै आ तुसब परमेस्‍वरके खेत आ घर चिही।

२ कोरन्‍थी 1:24

हमसब तोरासबके बिस्‍बासमे अधिकार जमाइले नै चाहैचियौ, बरु तोरासबके खुसिके लेल तोरेसबसे मिलके काम करैले चाहैचियौ। कथिलेकी तुसब आपन बिस्‍बासमे अस्‍थिर चिही।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

फिलिप्‍पी 3:17

हे भाइ-भैयासब तुसब हमर देखासेखी कर। हमसब तोरासबके लेल असल नमुना बनलियौ। आब ओहै नमुना अनुसार चलैबला लोकसबके पछा लाग।

फिलिप्‍पी 4:9

तुसब जे बात हमरसे सिखलिही, गरहन करलिही, सुनलिही आ हमरमे देखलिही, ओहिनङे कर तब सान्‍तीके परमेस्‍वर तोरासबसङे रहतौ।

१ थेसलोनिकी 1:7

तकर परिनाम यि भेलै कि तुसब माकेडोनिया आ अखैया परदेसमे भेल सब बिस्‍बासीके लेल एक नमुना बैन गेलचिही।

२ थेसलोनिकी 3:9

सहायता पाबैके हक नै चियै से बात नै, बल्‍की तोरासबके लेल एकटा सिख हेबे कैहके हमसब ओनङ करलियै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।