१ पतरुस 2:8 - मध्‍य पुरविया थारू

⁸ पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।

१ पतरुस 2:8 Iomraidhean Croise

लुका 2:34

सिमियोन ओकरासबके आसिरबाद देल्‍कै आ ओकर माँ मरियमके कहल्‍कै, “देख, यि बालक इजराएलमे बहुतोके पतन आ उत्‍थानके लेल आ बहुत के बिरोधमे बोलैके एकटा चेन्‍हाके लेल नियुक्‍त करनेचियै।

रोमी 9:22

तहिनङे लोकसबसङे कनङ बेबहार करबै कहैबला बात त परमेस्‍वरके आपन इक्‍छाके बात चियै। आपन रिस आ सक्‍ती देखाइके ओकर आपन इक्‍छाके बात हैतोपरभी, उ नासके लेल तैयार करल लोकसबके सङे एकदम धिरज कैरके रहलै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

२ कोरन्‍थी 2:16

नास हैबलासबके लेल हमसब मिरतुके गन, महज मुक्‍ती पाबैबलासबके लेल हमरासबके जिबन गमक चियै। एहेन भारी कामके लेल के योग्‍य छै?

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।

१ थेसलोनिकी 5:9

कथिलेकी परमेस्‍वर अपनासबके दन्‍ड दैकेलेल नै महज परभु येसु खिरिस्‍टसे मुक्‍ती पाबैके लेल चुन्‍ने छै।

१ पतरुस 2:6

कथिलेकी पबितर धरमसास्‍तरमे लिखल छै, “देख! सियोनमे हम चुनल एकटा बहौत मोलके कोनाके पथल राखैचियौ। ओकरमे बिस्‍बास करैबला कहियो नै लाजमे परतै।”

१ पतरुस 2:7

बिस्‍बास करैबला तोरासबके लेल यि पथल अनमोल छौ। बिस्‍बास नै करैबालासबके लेल त यि पथल एहेन छै, “जै पथलके मिसतिरीसब बेकार समैझके फेकदेनेछेलै वह्‍या पथल जगके मुल खम्‍हा भेलै।”

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।