१ पतरुस 2:2 - मध्‍य पुरविया थारू

² भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।

१ पतरुस 2:2 Iomraidhean Croise

मतीके लिखल सुसमाचार 18:3

“साँचोके हम तोरासबके कहैचियौ, जाबेतक तुसब मन बदैलके यि बच्‍चासबके मन जखा नै हेतौ ताबेतक स्‍वरगके राजमे कहियो नै ढुके सकबिही।

मतीके लिखल सुसमाचार 19:14

महज येसु कहल्‍कै, “छोट धियापुतासबके हमरलग आबैले दहै, ओइसबके नै रोकै, कथिलेत स्‍वरगके राज अहिने लोकसबके लेल चियै।”

मरकुस 10:15

साच्‍चे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै परमेस्‍वरके राज भितर ढुकैले सक्‍तै।”

लुका 18:17

साँचे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै भितर ढुकैले सक्‍तै।”

रोमी 6:4

ओहैसे अपनासब सेहो ओकरसङे बप्‍तिस्‍मा दुवारा मैरके गारलगेलियै। जहिनङ सक्‍तिसाली परमेस्‍वर पिता आपन महिमा दुवारा येसु खिरिस्‍टके मरलसे जिबित करल्‍कै। आब अपनोसब पुरन्‍का जिबन जियैले छोइरके लया जिबनमे खिरिस्‍टसङे जिएपरतौ।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

एफिसी 2:21

ओह्‍या पुरे घरके थाइम्‍हके राखनेछै आ उ यि घरके परभुमे एकटा पबितर मन्‍दिर बनाबितेछै।

एफिसी 4:15

बरु परेमसे सत बाइजके सब बातमे अपनासब खिरिस्‍टे जखा हेब्‍ही, कथिलेत वह्‍या अपनासबके सिर चियौ।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।