१ पतरुस 1:2 - मध्‍य पुरविया थारू

² परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

१ पतरुस 1:2 Iomraidhean Croise

मतीके लिखल सुसमाचार 24:22

यदी परमेस्‍वर उ बिपतके दिन कम नै करतै त लोकसब कोइ नै जिबित रहतै, महज परमेस्‍वर आपन छानल लोकसबके खातिर यि दिन कम कैरदेतै।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 24:31

तुरहीके अबाजसङे उ आपन स्‍वरगदुतसबके पठेतै आ अकास आ पिरथिबीके चारु दिसरसे उ आपन छानल लोकसबके जमा करतै।

मरकुस 13:20

यदी परमेस्‍वर उ बिपतके दिन कम नै करने रहतियै त लोकसब कोइ नै जिबित रहतियै, महज परमेस्‍वर आपन छानल लोकसबके खातिर यि दिन कम करने छै।

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

मरकुस 13:27

तब पिरथिबी आ अकासके चारु दिसरसे उ आपन छानल लोकसबके जमा करैले स्‍वरगदुतसबके पठाइतै।

लुका 18:7

कि परमेस्‍वरके आपन जनसब रात-दिन ओकरा पुकारतै त ओइसबके नियाइ नै करतै? कि उ आपन लोकसबके सहायता करैले देर करतै त?

परेरित 15:18

“यि बात परमपरभु कहैछै, जे सिरिस्‍टीके सुरुवेसे यि बातसबके जानकारी कराइत एलछै।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

रोमी 11:2

परमेस्‍वर सुरुवेसे छानल आपन लोकसबके नै त्‍यागने छै। पबितर धरमसास्‍तरमे अगमबक्‍ता एलियाके कहल बात तोरासबके थाह नै छौ से? उ इजराएलीसबके बिरोधमे परमेस्‍वरसे अनङके बिन्‍ती करल्‍कै,

रोमी 11:28

सुसमाचारमे बिस्‍बास नै करलासे इजराएलीसब परमेस्‍वरके दुस्‍मन भेलछै। यि त तोरासबके लेल निक बात चियौ। महज परमेस्‍वर ओइसबके आपनेसे छानलाके कारनसे आ ओइसबके पुरखासबसङे परतिग्‍या करला कारनसे ओइसबके परेम करैछै।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 16:19

तुसब परमेस्‍वरके आग्‍यापालन करैचिही कैहके सब बिस्‍बासी जानैछै, तैल्‍याके हम एकदम खुस चियौ। महज तुसब असल काममे बुधिमान हो आ जे खराब छै, तैसे अलगे रह से हम चाहैचियौ।

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

रोमी 8:33

परमेस्‍वरके चुनल लोकसबके के दोस लगाइले सक्‍तै? कोइ नै सक्‍तै, कथिलेकी उ आपनेसे ओकरासबके आपन अगा धरमी ठहरेनेछै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

२ कोरन्‍थी 10:5

परमेस्‍वरके सत ग्‍यानके बिरोधमे उठैबला बहस आ घमन्‍डसे भरल बाधाके हमसब नास करैचियै आ सब खराब बिचारके खिरिस्‍टके आग्‍यापालन कराबैले बसमे करैचियै।

२ कोरन्‍थी 13:14

परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

तितस 1:1

हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 11:28

जेठका बेटासबके नास करैबला दुत इजराएलीसबके जेठका बेटासबके मारैले नै पाबे कैहके उ बिस्‍बास दुवारा निस्‍तार पाबैन मनाइल्‍कै आ केबारके चौकठमे बलिदानके लहु लगेल्‍कै।

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

१ पतरुस 1:19

महज येसु खिरिस्‍टके निरदोस आ अनमोल लहुसे तोरासबके छुटकरा देनेछौ। उ सुध आ निस्‍खोट बैलभोगमे चरहाबैबला थुमा छेलै।

१ पतरुस 1:20

परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

२ पतरुस 1:2

परमेस्‍वर आ अपनासबके परभु येसु खिरिस्‍टके ग्‍यानमे तुसब बरहैत जाइके कारन तोरासबके परसस्‍त रुपमे अनुगरह आ सान्‍ती मिले।

२ युहन्‍ना 1:1

हम एल्‍डरके तरफसे, परमेस्‍वरके चुनल जनी आ ओकर बेटा-बेटीके यि चिठी लिखैचियै, जकरा हम साँचोके परेम करैचियै, हम मातरे नै महज सतके चिन्‍हैबला सबकोइ परेम करैछै।

२ युहन्‍ना 1:13

परमेस्‍वरसे चुनल तोहर बहिनके बेटा-बेटीसब सेहो तोरा गोरलगी पठाइनेछौ।

यहुदा 1:2

तोरासबके परसस्‍त किरपा, सान्‍ती आ परेम मिले।