Lucas 4:3 - Mushuj Testamento Diospaj Shimi

³ Diabloca, Jesustaca: —Can Diospaj Churitaj cashpaca, cai rumitaca tanda tucuchun niari— nircami.

Dios Rimashca Shimicunami

³ Yaricaihuan cajpimi diabloca: –Diospaj Churitaj cashpaca, cai rumita tanda tucuchun niyari– nirca.

Lucas 4:3 Iomraidhean Croise

Mateo 4:3

Pandachij diabloca, Jesús yaricaihuan cajpi shamushpami: —Can Diospaj Churitaj cashpaca, cai rumicunata tanda tucuchun niari— nirca.

Lucas 3:22

Chaimantaca jucha illaj Espirituca, paloma shina cuerpoyuj uriyamushpaca, Paipaj jahuapi tiyarirca. Shinallataj jahua pachamantaca: “Canmi Ñuca cʼuyashca Churi cangui, Canllami Ñucataca jatunta cushichingui” nishpa rimashcapishmi uyarirca.

Lucas 4:2

Chuscu chunga punllacunata imata mana micushpa chaipi cashcamantami, yaricaihuan carca. Chaimantami diabloca, pandachingapaj shamurca.

Lucas 4:4

Chashna nijpi Jesusca: —Dios Quillcachishcapica: “Runacunaca mana tandallahuanchu causan, ashtahuanpish Taita Dios rimashca tucui shimicunahuanpishmi causan” ninmi— nircami.