Lucas 3:3 - Mushuj Testamento Diospaj Shimi

³ Chaimantami Juanca, Jordán yacu cʼuchulla tucui llajtacunapica, Dios juchacunata perdonachun Paiman cutirishpa bautiźarichun huillashpa purirca.

Dios Rimashca Shimicunami

³ Chaimi Juanca, Jordán yacu c'uchulla tucui llajtacunata rishpa, Diosman cutirishpa bautizarichij. Juchacunata perdonachun nishpa huillarca.

Lucas 3:3 Iomraidhean Croise

Mateo 3:11

Cancunataca Diospajman cutirijpimi yacupi bautiźani. Ashtahuanpish ñucapaj qʼuipa Shamujca, Diospaj jucha illaj Espirituhuan, ninahuanmi cancunataca bautiźanga. Ñucapaj qʼuipa shamujca, ñucata yalli imatapish rurai tucujmi. Chashna cajpi ñucaca, paipaj pargateta apaipajllapish mana canichu.

Lucas 1:16

Paica israelcunataca achcacunatami, paicunata Mandaj Diospajman cutirichun pushanga.

Lucas 1:77

Dios agllashcacunamanca, quishpirina tiyashcatami ricuchingui. Paicunapaj juchacunata Dios anchuchinaman shamushcatami huillangui.

Lucas 4:1

Jesusca Jordán yacumantaca, jucha illaj Espirituhuan jundami tigrarca. Paitaca, Diospaj Espiritumi shitashca pambaman pusharca.

Juan 1:28

Jordán yacu chʼimbanij Betabarapi Juan bautiźacujpimi, chashna tucurca.

Juan 3:26

Chaimantami Juanpaj yachacujcuna paipajman rishpaca: —Rabí, can ñucanchijman parlashca runaca, canhuanmari Jordán yacu chʼimbanijpi carca. Cunanca Paipish bautiźacunmari. Gentecunapish tucuicunamari, Paipajman ricuncuna— nircacunami.

Hechos 13:24

Jesús manaraj shamujpimi, Juanca israelcunamanca: ‘Diospajman cutirishpa bautiźarichij’ nishpa huillaj carca.

Hechos 19:4

Shina nijpimi, Pabloca: —Juanca paipajman shamujcunataca: “Ñucapaj qʼuipa shamujta cringuichij” nircami. Chashna nishpami, Diospajman cutirijcunataca bautiźarca. Jesustaca, Quishpichij Cristo cashcata crichun nishpami chashna nirca— nishpami alli entendichirca.

Hechos 22:16

Cunanca, ama imata ashtahuan shuyacuichu. Jatarishpa bautiźari. Cambaj juchacunata maillachun, Apunchij Jesusta mañai” nircami.