Juan 9:3 - Mushuj Testamento Diospaj Shimi

³ Jesusca, cashnami cutichirca: —Pai, mana cashpaca paipaj yaya mama juchallishcamantaca, mana chashna huacharircachu. Ashtahuanpish Diosllataj tucuita rurai tucuj cashcata cai runapi ricuchichunmi, chashnaca huacharirca.

Dios Rimashca Shimicunami

³ Shina nijpi Jesusca: –Paipish, paipaj yaya mamapish mana juchallircachu. Ashtahuanpish Taita Diosca pai rurai tucushca cai runapi ricurichunmi chashnaca huacharirca.

Juan 9:3 Iomraidhean Croise

Mateo 11:5

Ñahui mana ricujcunapish ricucushcata, suchucuna puricushcata, leprahuan ungushcacunapish alliyashcata, rinrin mana uyajcunapish uyacushcata, huañushcacunatapish causachishcata, huajchacunaman alli huillaita huillashcata parlagrichij.

Juan 11:4

Chaita huillajpica, Jesusca: «Cai ungüihuanca, mana huañungachu. Ashtahuanpish Taita Dios tucuita rurai tucuj cashcata ricuchinapajllami. Cai ungüimantami Diospaj Churi Ñucapish, tucuita rurai tucuj cashcata ricuchisha» nircami.

Juan 11:40

Chashna nijpi Jesusca: —¿“Can crishpaca, Taita Dios rurai tucushcata ricunguimi” nircanitaj shiná?— nircami.

Hechos 28:4

Maquipi chashna huarcurishcata, chaipi causajcuna ricushpaca: «Caica huañuchij runami yuyachin. Yacumanta quishpirijpipish, diosca mana saquipajchu yuyachin» ninacurcami.

Hechos 4:21

Chashna nicujpipish, mandajcunaca manchachishun nishpami: —Pajta chai Runamanta piman huillanguichijman— nircacuna. Chashna nishpapish, paicuna chashna rurashcamanta tucuicuna Taita Diosta alabacujpimi, mana ima shina macai tucushpa cacharircallacuna.

1 Juan 4:16

Ñucanchijca, Taita Dios ñucanchijta cʼuyashcataca yachanchijtaj, rijsinchijtajmi. Taita Diosca cʼuyajmari. Maijanpish cʼuyashpa causajca, Taita Dios-huanmi causan, Taita Diospish paihuanmi causan.

1 Juan 4:9

Taita Diosca, cai pachaman Paipaj shujlla Churitami ñucanchij Paimanta causachun cachashca. Chashnami ñucanchijta cʼuyashcataca ricuchirca.