Juan 4:1 - Mushuj Testamento Diospaj Shimi

¹ Fariseocunami: “Jesusca, Juanta yalli achca yachacujcunatami charin, bautiźanatapish paita yallimi bautiźacun” ninacurcacuna. Paicuna chashna ninacujtami, Apunchij Jesusca yacharca.

Dios Rimashca Shimicunami

¹ “Jesusca achca yachacujcunatami charin, Juanta yallimi bautizacun” nijta fariseocuna yachashcatami Mandaj Jesusca yacharca.

Juan 4:1 Iomraidhean Croise

Lucas 1:76

Ñuca huahua, canca jahua pacha Dios ima nishcata huillaj nishcami cangui. Canmari Mandaj Dios purina ñanta allichingapaj, Paita ñaupashpa ringui.

Lucas 19:31

Pushamucujpi maijan, “¿Imapajtaj pushacunguichij?” nijpica: “Apunchij Jesusmari cai burrotaca pushanaman cacharca” ninguichijlla» nishpami cacharca.

Lucas 19:34

Chashna nijpica: —Apunchij Jesús ‘Pushamui’ nijpimari pushacunchij— nircacunami.

Lucas 2:11

Cunanmari Davidpaj pueblopica, cancunapaj Quishpichij huacharin. Paica Mandaj CRISTOMARI.

Lucas 7:13

Apunchij Jesusca, chai viudata ricushpa llaquishpami: —Ama huacaichu— nirca.

Lucas 7:19

Chai ishquitami: “¿Quiquinca, chai shamuna cashca Quishpichijchu cangui, mana cashpaca shujtajta shuyanarajchu canchij?” nishpa tapuchun, Jesuspajman cacharca.

Juan 3:22

Chai qʼuipami Jesusca, Paipaj yachacujcunandij Judea llajtaman shamushpa, asha punllacunacama paicunahuan saquirirca. Chaipi cashpaca bautiźarcapishmi.

Juan 3:26

Chaimantami Juanpaj yachacujcuna paipajman rishpaca: —Rabí, can ñucanchijman parlashca runaca, canhuanmari Jordán yacu chʼimbanijpi carca. Cunanca Paipish bautiźacunmari. Gentecunapish tucuicunamari, Paipajman ricuncuna— nircacunami.

Hechos 10:36

Taita Diosca, Paihuan alli tucuna alli huillaita israelcunaman huillachunca, Jesucristotami cacharca. Paica tucuicunata Mandajmari.

1 Corintios 1:17

Cristoca ñucataca mana bautiźachun cacharcachu, ashtahuanpish alli huillaita huillachunmari cacharca. Chaitapish Cristota cruzpi chacatashpa huañuchishcata alli entendichunmi, mana jatun yachaj shina rimashpa huillacuni.

1 Corintios 15:47

Punta runaca, allpallamantami carca. Qʼuipa runaca, jahua pachamantami carca, Paica Apunchij Jesusmi.

1 Corintios 2:8

Chai yachaitaca, cai pachata maijan mandajpish ima cashcata mana yacharcacunachu. Yachashca cashpaca, sumaj Apunchij Jesustaca mana chacatanmanchu carca.

2 Corintios 4:5

Mana ñucanchij quiquinmantachu huillanchij, ashtahuanpish, ‘Jesucristoca Mandajmi’ nishpami huillacunchij. Ñucanchijca, Jesusmantami cancunata servijcuna canchij.

Santiago 2:1

Ñuca huauquicuna, cancunaca sumaj Apunchij Jesucristota crijcunami canguichij. Chaimanta cancunapurapica, ama alli ricurijcunallata alli chasquichijchu.

Apocalipsis 19:16

Paipaj churanapipish, changa uripipish, cashna shutitami quillcashca carca: jatun mandajcunata jatun mandaj, apucunapaj jatun apu