Juan 3:4 - Mushuj Testamento Diospaj Shimi

⁴ Chashna nijpimi, Nicodemoca: —¿Ima shinataj shuj yuyaj runaca, cutin huacharingari? ¿Ima shinataj mamapaj huijsamanca cutin yaicungari?— nishpami tapurca.

Dios Rimashca Shimicunami

⁴ Chaimi Nicodemoca: –¿Ima shinataj yuyaj runaca, cutin huacharingari? Cutin huacharingapajca ¿ima shinataj mamapaj huijsamanca yaicungari?– nirca.

Juan 3:4 Iomraidhean Croise

Juan 3:3

Shina nijpi Jesusca: —Pipish mana cutin huacharishpaca, Taita Dios mandacuntaca manataj ricui tucunchu, chaica chashnatajmi— nircami.

Juan 3:5

Shina nijpi Jesusca, cashnami cutichirca: —Pipish yacumanta, Diospaj Espiritumanta mana huacharishpaca, Taita Dios mandacunmanca manataj yaicui tucunchu, chaica chashnatajmari.

Juan 6:53

Chaimantami Jesusca, cashna nirca: —Runa Aichayujpaj aichata mana micushpa, Paipaj yahuarta mana ubyashpaca, mana causaita charinguichijchu.

Juan 6:60

Jesús chashna nijta uyashpaca, Paipaj achca yachacujcunami: —Maita mana entendipajtamari riman. ¿Pitaj uyasha ningari?— ninacurca.

1 Corintios 1:18

Cruzpi chacatashpa huañuchishca Cristomanta uyanaca, chingarinaman ricujcunapajca, musparishca shinallami. Ashtahuanpish ñucanchij quishpirishcacunapajca, Dios tucuita rurai tucuj cashcata yachanami.

1 Corintios 2:14

Maijanpish Diospaj Espirituta mana charijca, Pai cushcacunataca mana yachasha ninchu. Chaicunaca, paipajca musparishca shinalla cajpimi, mana yachai tucun. Ashtahuanpish Diospaj Espíritu yuyaita cujllapimi, chaicunataca yachai tucun.