Juan 1:4 - Mushuj Testamento Diospaj Shimi

⁴ Paipimi causaica tiyarca. Chai causaimi, tucui runacunata achijyachij Luz carca.

Dios Rimashca Shimicunami

⁴ Paipimi causaica tiyarca. Chai causaimi, runacunapaj luz carca.

Juan 1:4 Iomraidhean Croise

Mateo 4:16

Amsapi shina canpi causajcunami, achij luzta ricurcacuna. Huañuna manchaihuan amsapi causacuj llajtapimi, luz shamushpa achijyachirca» nishcami.

Lucas 2:32

Paimi mana israelcunamanca achij luzta ricuchinga, Quiquin agllashca israelcunatacarin sumajyachingamari» nircami.

Juan 11:25

Shina nijpi Jesusca, cashnami nirca: —Ñucamari causachijpish, causaita cujpish cani. Maijanpish Ñucata crijca, huañushca cashpapish causangami.

Juan 12:35

Chashna nijpi Jesusca, cashnami nirca: —Luzca, ashacamallami cancunahuan canga. Amsayajpica cancuna rishun nicushcamanca mana ri tucunguichijchu, achijpiraj ñanta japichij. Amsapi purishpaca, maita ricushcata mana yachanguichijchu.

Juan 12:46

Ñucaca Luz cashpami, pipish Ñucata crijca ama amsapi causachun, achijyachingapaj cai pachaman shamurcani.

Juan 14:6

Shina nijpi Jesusca, cashnami nirca: —Ñucamari Ñanpish, cashcatataj Huillajpish, causaita Cujpish cani. Yayapajmanca, pipish Ñucallamantami shamui tucun.

Juan 3:19

Luz cai pachaman shamujpica, gentecunaca, mana allita rurajcuna cashpami, Luzta munanapaj randica amsataraj munarcacuna. Chaimantami jatun llaquiman rina tucuncuna.

Juan 5:21

Ima shinami Yayaca huañushcacunaman causaita cushpa causachin, chashnallatajmi Churipish cusha nishcacunallaman causaita cun.

Juan 5:26

Yayaca Paillapitajmi causaita charin. Chaimantami Churimanpish Paillapitaj causaita charichun cushca.

Juan 8:12

Jesusca, cutin yachachishpa catishpaca cashnami nirca: —Ñucaca, cai pachapaj Luzmi cani. Maijanpish ñucata catijca, mana amsapi puringachu. Ashtahuanpish causaita cuj Luztami charinga— nircami.

Juan 9:5

Cai pachapi cashcacamaca, cai pachapi achijyachij Luzmi cani— nircami.

Hechos 26:23

“Quishpichij Cristoca, llaquita apashpa huañunatajmi cashca. Huañushcacunapaj chaupimanta punta pai causarishpami, israelcunamanpish, mana israelcunamanpish, achij luzta huillana cashca” nishpami huillarcani» nircami.

1 Corintios 15:45

Chaimantami Dios Quillcachishcapica: «Punta rurashca Adantaca, causaj almayujtami rurashca carca» nin. Cutin qʼuipa Adanca, causaita cuj Espirituyujmari.

Efesios 5:14

Chaimantami: «Dormicuj rijchari, huañushcacunapaj chaupimanta jatari. Cantaca, Cristomi achijyachinga» nicun.

Colosenses 3:4

Cancunaman causaita cucuj Cristo ricurijpica, cancunapish Pai sumaj achij nicuj caj shinallatajmi ricuringuichij.

1 Juan 1:1

Cancunamanca, callarimantapacha Tiyajta, ñucanchij rinrinhuantaj uyashcata, ñucanchij ñahuihuantaj ricushcata, ima shina cajtapish alli rijsishpa, ñucanchij maquihuantaj japirishcatami huillanchij. Paica Causaita cuj Rimashca Shimimi.

1 Juan 1:2

Causaita cuj shamushpa ricuchijpi ñucanchijtaj ricushpami, Paica huiñai causaita cuj cashcata huillacunchij. Paica Yayahuan tiyacushpa, ñucanchijpajman shamujpimi ricurcanchij.

1 Juan 5:11

Taita Diosca Paipaj Churipi ñucanchijman huiñai causaita cushcatami huillacun. Paipaj Churipimi, huiñai causai tiyan.

Apocalipsis 22:1

Chai qʼuipaca angelca, causaita cuj chuyajlla jatun yacutami ricuchirca. Chai yacuca, Taita Diospajpish, Malta Ovejapajpish jatun tiyarinamantami, cristal shina chuyajlla yacu llujshicurca.

Apocalipsis 22:16

Ñuca, Jesustajmi crij tandanacushcacunaman caicunata huillachunca, ñuca angelta cacharcani. Ñucaca, Davidpaj sapimi cani. Paimanta miramushca huahua huahuami cani. Ñucaca, tutamanta pacarimujpi achijlla llujshij Luźeromi cani» nircami.