Juan 1:1 - Mushuj Testamento Diospaj Shimi

¹ Callaripajca, Rimashca Shimica ñami tiyarca. Chai Shimica, Taita Dios-huanmi carca. Chai Shimica, Diosllatajmi carca.

Dios Rimashca Shimicunami

¹ Taita Dios imatapish manaraj rurajpimi Rimashca Shutica ña tiyarca. Rimashca Shutica Taita Dioshuanmi carca. Rimashca Shutica Taita Diosllatajmi carca.

Juan 1:1 Iomraidhean Croise

Mateo 1:23

«Cʼarihuan manaraj chayarinacushca huarmi chichushpa, cʼari huahuata huachangami. Paipaj shutica, Emanuelmi canga» nishcami carca. (Cai shutica: «Taita Dios ñucanchijhuanmi» nisha ninmi).

Lucas 24:53

Chaiman tigramushpaca, Diospaj huasipi Taita Diosta ‘Allimari cangui’ nishpa, punllanta alabarcallacunami. Chashna cachun.

Juan 1:14

Rimashca Shimi aichayuj tucushpami, ñucanchijpurapi causarca. Paitaca, Diospaj shujlla Churi cashpa, Yaya shinallataj tucuita yalli sumaj cajtami ricurcanchij. Paica mana cʼuyaipajta cʼuyajpish, cashcatataj huillajpishmi carca.

Juan 1:18

Taita Diostaca, pi manataj ricushcachu. Paihuan causaj, Paipaj shujlla Churillami ricushca. Paimi ñucanchijmanca rijsichirca.

Juan 1:2

Paica callarimantapachami, Taita Diosllahuantaj carca.

Juan 16:28

Yayapajmantami cai pachamanca shamurcani. Cai pachata saquishpami, cutin Yayapajllamantaj tigragrini— nircami.

Juan 17:5

Cunanca Yayalla, cai pacha manaraj tiyajpi, Ñucata Quiquinhuan charicushpa sumajyachishca shinallataj sumajyachihuailla.

Juan 20:28

Chashna nijpimi, Tomasca: —¡Ñuca Amo, ñuca Dios!— nirca.

Juan 8:58

Shina nijpi Jesusca: —Abraham manaraj tiyajpimari Ñucaca ña tiyarcani, chaica chashnatajmari— nircami.

Romanos 9:5

Paicunaca ñaupa yayacunayujmi. Quishpichij Cristopish paicunapurapimi, runa aichayuj tucurca. Paica, tucuita Mandacuj Diosmari. Paitaca, huiñai huiñaita alli nishca cachun. Chashna cachun.

Efesios 3:9

Tucuita ruraj Diosca, chashna rurana tucushpa, ñaupamanta pacalla charicushcatami, tucuicunaman alli entendichishpa huillachun mandarca.

Filipenses 2:6

Paica, Diosllatajmi carca. Shina cashpapish, ‘Taita Dios shinallatajmi cani’ nishpa, chaita cacharishca canataca mana munarcachu.

Colosenses 1:15

Cristoca, mana ricuipaj Taita Dios ima shina cashcatataj ricuchijmi. Shinallataj tucui imalla tiyajcunapaj ñaupamanta Tiyajmi.

Colosenses 1:17

Paimari, tucui imapish manaraj tiyajpi, ñaupamanta tiyan. Tucui imapish Paipaj maquipimi, maillapi cana cashcapi sumajta tiyacun.

1 Timoteo 3:16

Ñucanchij crishcaca, runacuna manaraj yachashca, yallitaj jatunmari. Chaitaca, ‘Mana chashnachu’ nishpa, pi mana ni tucunchu: Paimari, runa aichayuj tucushpa ricurirca. Diospaj Espiritumantami, Paica cashcata ruraj carca, angelcunapish Paitaca ricushcami. Mana israelcunamanpish, Paitami huillanchij. Cai pachapica, Paita crincunami. Jahua pachapica, Paita chasquishpa sumajyachishcami.

Tito 2:13

Ñucanchij jatun Dios, Quishpichij Jesucristo achij nicuj sumaj shamunata shuyacushpami, chashna causana canchij.

Hebreos 13:8

Jesucristoca sarunpish, cunanpish, huiñaitapish Paillatajmari.

Hebreos 7:3

Melquisedecpaj yaya mamapish, paipaj ñaupa yayacunapish pi cashca mana yacharinchu. Pai huacharishcamantapish, pai huañushcamantapish pi mana huillanchu. Chashna cashcamantaca, paica Diospaj Churiman rijchaj, huiñaipaj curamari.

2 Pedro 1:1

Ñucaca, Jesucristota servij, huillagrichun Pai mingashca Simón Pedromi cani. Ñucanchij Dios, Quishpichij Jesucristoca ima juchachina illajta rurajmari. Chashna cashpami cancunamanpish, ñucanchijman shinallataj alli sumaj crinata curca. Cancunamanmi caitaca quillcani.

1 Juan 5:20

Ashtahuanpish ñucanchijmanca, Diospaj Churi shamushpamari, Pai Diostataj rijsichun yuyaita pascashca. Cunanca ñucanchijca, Cashcatataj huillaj Diospaj Churi Jesucristohuanmi causacunchij. Paica Diostajmi, huiñai causaipish Paillatajmi. Chaitapish allimari yachanchij.

1 Juan 5:7

Jahua pachapica quimsa huillajcunami tiyan: Yayapish, Rimashca Shimipish, jucha illaj Espiritupishmi. Paicunaca quimsandijtaj shujllami.

Apocalipsis 1:11

Cashnamari nirca: «Ñucaca, callari A shina, tucuri Z shinami tucuita callarichijpish, tucurichijpish cani. Can imalla ricushcataca, libropi quillcashpa, Asia llajtapi tiyaj Éfeso, Esmirna, Pérgamo, Tiatira, Sardis, Filadelfia, Laodicea shuti, chai canchis pueblocunapi crij tandanacushcacunaman cachai» nircami.

Apocalipsis 1:17

Paita ricushpaca, huañushca shinami, Paipaj ñaupajpi urmarcani. Chashna urmajpimi Paica, Paipaj alli lado maquita ñuca jahuapi churashpaca, cashna nirca: «Ama mancharichu, ñucami Callarichijpish, Tucurichijpish cani.

Apocalipsis 1:2

Paimi Diospaj Shimitapish, Jesucristo huillashcatapish, tucui imallata ricushcatapish alli huillan.

Apocalipsis 1:8

«Callari A shina, tucuri Z shinami ñucaca, tucuita Callarichijpish, Tucurichijpish cani. Cunanpish, ñaupapish ñucallatajmi cani, ñucallatajmi shamusha. Tucuita Rurai Tucujmi cani» ninmi Mandaj Diosca.

Apocalipsis 19:13

Paica, yahuaryashca churanata churashcami carca. Paica: «Dios Rimashca Shimi» shutimi.

Apocalipsis 2:8

Esmirnapi tandanacushca crijcunapaj angelmanpish quillcai: Callarichijpish, Tucurichijpish, huañushpapish Causarijca, cashnami nin:

Apocalipsis 21:6

Cashnapishmi nirca: «Ña tucuita rurashcami. Ñucaca, callari A shina, tucuri Z shina Callarichijpish, Tucurichijpishmi cani. Maijanpish yacunachijmanca, causaita cuj yacutami, yacu ñahuimantataj ubyachisha. Chai yacumantaca, imata mana cuna tucungachu.

Apocalipsis 22:13

Ñucaca, callari A shina, tucuri Z shina Callarichijpish, Tucurichijpish, Puntapish, Tucuripishmi cani.

Apocalipsis 3:14

Laodiceapi tandanacushca crijcunapaj angelmanpish quillcai: Chashna Cachun nishca, huillana cashcata alli Pajtachij, cashcatataj Huillaj, Dios imalla rurashcacunapajpish ñaupaman Tiyajca, cashnami nin: