Lukas 8:30 - Kagi nemula (Word of God)

³⁰ Agulé, inigsaan i Hésus kagdi, guwaen di, “Ngadan ko ya?” Migsagbì, guwaen di, “Si Melaweng a.” Iya sa sagbì di enù ka medoo temù sa busaw miglahuk diyà kenagdi.

Lukas 8:30 Iomraidhean Croise

Matéyo 26:53

Endà metiigan ko duu kéen ini i. Amuk umumow a tabang diyà si Emà ku, peangayen di doo sa ngibu-ngibuwan egsugùsuguen di anì tabangan da aken.

Matéyo 4:24

Huenan di, nekeseluh sa lalag di diyà sa langun uwang Siliya. Inuwit da diyà kenagdi sa langun etaw eglinadu, sumalà dé sa linadu da, ataw ka linahuk busaw ataw ka egbeketketen ataw ka pikat. Nelikuan da dé langun danà i Hésus.

Matéyo 8:29

Egoh da mighaa si Hésus, pinetaled da sa kagi da, guwaen da, “O Anak i Nemula, maen di ya egbogowen ko kami? Yaka pelà egpigtamay kenami, enù ka endà pa egkeuma sa agdaw di.”

Malkos 16:9

Na, egoh i Hésus mig-enaw iya wé magtu kesimag Akad, iya sa anay etaw kenà di egpehaa, si Maliya tegeMagdala sa pinelesutan di pitu busaw egoh anay.

Malkos 5:9

Agulé inigsaan i Hésus, guwaen di, “Ngadan ko ya?” Migsagbì, guwaen di, “Si Melaweng sa ngadan ku enù ka medoo ké temù miglahuk diyà siini etaw.”

Lukas 8:2

owoy sa medoo bayi nelikuan linadu owoy sa duma da bayi linesutan busaw. Iya sa duma bayi si Maliya tegeMagdala linesutan pitu busaw,

Lukas 8:29

Iya sa inikagi di danà i Hésus mighemaga sa busaw miglahuk diyà sa maama anì lumaun. Na, nelugay dé egkepelihay iya wé maama danà sa busaw takà egsabà kenagdi. Medoo dé gulê pinolot da sangkalì owoy tali, owoy inudesan da egtulik. Dodoo takaan di polo egbugtus sa polot di owoy inagak sa busaw eg-angay dutu siedò melabel tanà mediyù dalesan.