Lukas 5:5 - Kagi nemula (Word of God)

⁵ Dodoo migsagbì Simon i, guwaen di, “O Mistelu, endà mekekuwa ki kéen enù ka neelut ké sigep sa kepuket ké, dodoo endà egpekekuwa ké. Dodoo amuk iya sa igsugù ko, muket ké dema.”

Lukas 5:5 Iomraidhean Croise

Lukas 17:13

owoy egpetaled da eg-ikagi, guwaen da, “O Hésus, o Datù, hiduwi ko kami.”

Lukas 8:24

Agulé, inangay da eg-enaw Hésus i, guwaen da, “O Datù, egpekesugsug ki.” Agulé, mig-enaw Hésus i owoy hinawidan di sa kelamag owoy sa dakel lambeg. Hê, migsabuh dé owoy miglinek ma dé.

Lukas 8:45

Agulé, guwaen i Hésus, “Ngadan tayu di etaw sa mig-amis kenak?” Dodoo endà duen egtulon. Agulé guwaen i Pidelu, “O Mistelu, maen di ya eg-igsà ka, enù ka egkesedeldel sa medoo etaw diyà keniko?”

Lukas 9:33

Agulé, egoh sa duwa maama buyu da dé sumalid, eg-ikagi Pidelu i, guwaen di, “O Mistelu, mepion ma doo enù ka dahini ké. Mael ké lawì, telu, sebaen niko, sebaen si Mosis, sebaen si Iliyas.” Dodoo eg-amu Pidelu i eg-ikagi, enù ka endà netiigan di duu sa penemdem di.

Lukas 9:49

Agulé, guwaen i Huwan egsagbì, “O Datù, hinaa ké sa sebaen maama egpelesut busaw danà sa ngadan ko. Hinawidan ké enù ka endà eg-unut-unut di diyà kenita.”

Huwan 15:14

Na, kiyu sa loyuk ku amuk egpangunut yu diyà sa igsugù ku keniyu.

Huwan 2:5

Agulé, guwaen sa inay di diyà sa medoo etaw tegebulig dahiya, “Sumalà dé sa ikagiyen di diyà keniyu, unuti yu dé.”

Huwan 21:3

Agulé, eg-ikagi Simon Pidelu i diyà sa medoo duma di salu i Hésus, guwaen di, “Mangay a muket.” Guwaen sa medoo duma di, “Munut ké ma keniko.” Agulé, mig-edà da kumpit. Dodoo apiya di pa neelut da sigep egpuket, endà duen sa nekuwa da sedà.