Lukas 4:4 - Kagi nemula (Word of God)

⁴ Dodoo migsagbì Hésus i, guwaen di, “Meked a iya wé, enù ka iya sa kagi i Nemula igpesulat, ‘Endà mepion di amuk kaenen daa sa pedakelen etaw.’ ”

Lukas 4:4 Iomraidhean Croise

Matéyo 4:4

Dodoo migsagbì Hésus i, guwaen di, “Meked a iya wé enù ka iya sa kagi i Nemula igpesulat, ‘Endà mepion di amuk kaenen daa sa pedakelen etaw, sa langun kagi i Nemula polo sa eg-udesan etaw.’”

Matéyo 6:31

“Huenan di, yoko egkebukul la denu sa kaenen yu ataw ka sa inemen yu ataw ka sa ginis yu.

Lukas 22:35

Agulé, guwaen i Hésus diyà sa medoo salu di, “Egoh ku migpetegudon keniyu, hinawidan ku kiyu eg-uwit sa langun taman yu, iling ka taguan pilak ataw ka puyut ataw ka duma talumpà yu. Enù di ya sa hagtay yu egoh iya, nelikutan yu pa?” Egsagbì da, guwaen da, “Enget doo sa hagtay ké.”

Lukas 4:10

enù ka iya sa kagi i Nemula igpesulat, guwaen di, ‘Igsalig di kuna diyà sa medoo egsugùsuguen di anì tulikan da kuna.’

Lukas 4:3

Na, guwaen i Satanas, “Amuk kuna sa Tigtu Anak i Nemula, baluy ko kaenen siini batu anì mekedan sa kelikutan ko.”

Lukas 4:8

Dodoo migsagbì Hésus i, guwaen di, “Meked a iya wé, enù ka iya sa kagi i Nemula igpesulat, ‘Si Datù Nemula daa sa penemulawen ké. Kagdi daa sa mepangunutan ké.’ ”

Épéso 6:17

Owoy iya lagà sa sayap wagya yu sa kealuk i Nemula keniyu denu sa salà yu. Owoy iya lagà sa sundang kinemkem yu sa kagi i Nemula egpigtuuwen yu igbegay sa Suguy di diyà keniyu.