Lukas 23:9 - Kagi nemula (Word of God)

⁹ Huenan di, medoo sa eg-igsaen di diyà si Hésus, dodoo endà egsagbì di.

Lukas 23:9 Iomraidhean Croise

Matéyo 27:12

Dodoo apiya di pa egtipuwen sa medoo ulu-ulu tegesimbà owoy sa medoo kaunutan Hudiyu Hésus i, endà doo egsagbì di.

Matéyo 27:14

Dodoo endà egsagbì Hésus i, apiya di pa medoo sa itipu da kenagdi. Iya maen di ya tigtu negaip Pilatu i.

Matéyo 7:6

Agulé egtulon Hésus i balatan, guwaen di, “Yoko egbegay duu diyà sa medoo tuyang sa milagà diyà sa kehaa i Nemula enù ka hemueden da daa kiyu, owoy yoko ma egsawel duu diyà sa medoo babuy sa pélas milagà enù ka utuhan da daa. Hediya ma, yoko eg-uman na egtulù sa medoo etaw eg-eked egpigtuu sa kagi i Nemula.”

Malkos 15:5

Dodoo endà egsagbì Hésus i, huenan di tigtu egkegaip Pilatu i.

Lukas 13:32

Agulé guwaen i Hésus diyà kenagda, “Apiya tegepandapat siedò datù yu, angay yu tulon kenagdi siini kagi ku, guwaen ku, ‘Haa ko. Pelesuten ku sa medoo busaw owoy bulungan ku sa medoo eglinadu siini agdaw owoy simag ma. Amuk meuma sa ketelu di agdaw, meubus dé sa galebek ku.’

Lukas 23:10

Hê, egtigdeg ma dahiya sa medoo ulu-ulu tegesimbà owoy sa medoo tegetulù uledin igsugkow i Mosis. Pineges da egtipu Hésus i diyà si Datù Hélod.

Huwan 19:9

Egpelikù dema dalem sa dalesan di, owoy eg-igsaan di Hésus i, guwaen di, “Keduwan ko ya, kuna i?” Dodoo endà egsagbì Hésus i.

Binaelan 8:32

Na, ini sa kagi i Nemula egbasawen sa maama épê gelal, guwaen di, “Kagdi lagà sa kebilibili endà mulit di amuk sapuen etaw, owoy lagà ma anak kebilibili endà mikagi di amuk guntingen etaw sa bulbul di, enù ka apiya di pa medaet sa egbaelan etaw diyà kenagdi, endà doo duen kagi di.

1 Pidelu 2:23

Egoh da migpeumàumà kenagdi, endà migsulì di egsagbì medaet. Egoh da migpelihay kenagdi, endà ma migsulì di, dodoo igsalig di daa polo sa kesulì di diyà si Nemula, sa metudà kekukum.