Lukas 15:3 - Kagi nemula (Word of God)

³ Agulé, migtulon Hésus i balatan diyà kenagda, guwaen di,

Lukas 15:3 Iomraidhean Croise

Matéyo 10:6

Angay yu polo tegudon diyà sa medoo duma ta tugod i Islaél. Tabangi yu kagda enù ka lagà da sa kebilibili netelas.

Matéyo 13:3

Agulé medoo sa itulù di kenagda danà di migtulon peligad. Guwaen di, “Duen sa maama mig-angay egsawel benì diyà sa hinemulaan di.

Matéyo 9:13

Enù di ya, ngadan sa selepangan siini kagi i Nemula igpesulat, guwaen di, ‘Beken iya sa ungayà ku sa hinagtay ibegay yu diyà kenak. Dodoo iya polo sa tigtu ungayaen ku sa kesehiduway yu.’ Na, pineangay a dini anì isasà ku sa medoo etaw neketiig duen salà da, beken duu sa medoo etaw guwaen da dò endà duen salà da.”

Lukas 15:2

Huenan di, egsigbolow sa medoo Palasiyu owoy sa medoo tegetulù uledin igsugkow i Mosis, guwaen da, “Endà mepion ini i maama enù ka egsaluan di sa medoo tegebael salà owoy eg-unut ma kenagda egkaen.”

Lukas 15:4

“Upama, duen sa maama diyà keniyu épê magatus kebilibili. Amuk netelas sa sebaen, salidan di sa siyow pulù owoy siyow diyà sa keluwenluwen owoy eg-angayen di eglagbet sa sebaen netelas taman endà eghauwen di duu.

Huwan 21:16

Eg-igsà dema Hésus i, guwaen di, “O Simon anak i Huwan, mehidu ka pa kenak?” Guwaen i Pidelu egsagbì, “Hoò, Datù. Netiigan ko doo eghiduwan ku kuna.” Guwaen i Hésus, “Ipat ko, hih, sa medoo etaw ku lagà sa kebilibili ku.”

Binaelan 21:20

Egoh da migdineg iya wé, eg-oloen da Nemula i. Agulé eg-ikagi da diyà si Pabelo, guwaen da, “O Akay, mepion sa binaelan ko, dodoo yaka egkelipeng duu duen ma ngibu-ngibuwan etaw Hudiyu egpigtuu diyà si Hésus, owoy egtemù da ma egpangunut diyà sa uledin igsugkow i Mosis.