Lukas 12:10 - Kagi nemula (Word of God)

¹⁰ “Na, amuk egsumbung sa etaw sa Kakay Langun, mekepeuloy pa sa salà di. Dodoo amuk egsumbung sa etaw sa Metiengaw Suguy i Nemula, endà mekepeuloy sa salà di.”

Lukas 12:10 Iomraidhean Croise

Lukas 23:34

Agulé guwaen i Hésus, “O Emà, peuloyi ko sa salà siini medoo etaw, enù ka endà netiigan da duu sa egbaelan da.” Agulé, egkusing sa medoo sundalu egseatuwen da sa ginis i Hésus.

1 Timotiyu 1:13

Egoh anay sinumbung ku kagdi owoy pinelihay ku ma sa medoo etaw di owoy pinelobolobowon ku ma kagda eg-ikagi. Dodoo hiniduwan di doo aken enù ka egoh ku migbael iya wé, endà pa egpigtuu a, huenan di endà egpeketiig a amuk medaet iya wé egbaelan ku.

1 Huwan 5:16

Amuk eghauwen yu sa duma yu egbael salà dodoo beken salà mekeagak kenagdi diyà sa kepatay endà meelut di, simbai yu anì ipeuloy i Nemula sa salà di owoy mebegayan ma lalù endà meelut di. Dodoo sa etaw egbael sa salà sa pesuwan di mepigtamayan diyà sa kepatay endà meelut di, endà igsugù ku duu keniyu ipesimbà.