Lukas 1:51 - Kagi nemula (Word of God)

⁵¹ Igpehaa di sa dakel egkegaga di danà sa binaelan di, owoy pinepelaguy di sa medoo egpedakelen da kagda diyà sa pedu da.

Lukas 1:51 Iomraidhean Croise

Loma 1:21

Dodoo apiya di pa metiigan da duen Nemula i, tapay doo endà eg-adatan da duu owoy endà ma eg-oloen da duu egoh di egtabang kenagda. Huenan di, endà milantek sa penemdem da enù ka lagà nedilungan sa penemdem da enù ka endà egketiigan da duu sa tuu tegudon kedu si Nemula.

2 Kolintu 10:5

Eg-atuwan ké sa endà tuu kesigbolow etaw owoy sa kepeolòolò sa etaw eg-alang sa tuu tegudon denu si Nemula, owoy meatuwan ké ma sa medaet penemdem da anì mangunut da polo diyà si Kelistu.

1 Pidelu 5:5

Hediya ma kiyu i medoo batàbatà, pangunut yu dé diyà sa kaunutan yu. Yoko egpedakel duu kiyu, dodoo petukééy yu polo kiyu langun diyà sa duma yu, enù ka duen sa kagi i Nemula igpesulat, guwaen di, “Sa etaw egpedakel kenagdi, iya sa etaw egkuntelaen i Nemula. Dodoo sa etaw egpetukééy kenagdi, iya sa etaw egtabangan i Nemula.”

Kepehaa I Hésus Kelistu 18:8

Dodoo danà sa kepeolòolò di, petow dé mekeuma doo sa medoo balangan medaet diyà kenagdi. Diyà sa sebaen daa agdaw meseselengan sa linadu di owoy sa dakel kebukulan di owoy sa bitil, owoy meulow ma. Enù ka dakel temù sa egkegaga i Datù Nemula migtamay kenagdi.”