Lucas 7:30 - Manobo Agusan

³⁰ Di to mgo Pariseo dow mgo maistru to tinuuhan, pig-ojowan dan to pagboot to Diyus kandan, kaling wada sikandan pabawtismu.

Lucas 7:30 Iomraidhean Croise

Mateo 22:35

Sobuuk kandan no maistru to tinuuhan mig-anti ki Jesus,

Lucas 13:34

“Ay, sikiyu no taga-Jerusalem! Ogpanghimatajan now to kibali mgo ba-ba to Diyus. Ogbatuhon now to ogpaandinihon din iyu kotob no mangkamatoy. Kona no kapila ku da podom sikiyu oghagokonon angod to mangunsuy no oghimun to mgo unsuy din su ogyokboan, di mig-ojow kow.

Lucas 20:6

Aw ko muiling ki no pig-otawan to katongod din, ogbatuhon ki to tibo mgo otow hangtod no mangkamatoy ki, su migtuu sikandan no si Juan, kibali ba-ba to Diyus.”

Lucas 7:31

“Na,” kagi ni Jesus, “nokoy man to ogkaangodan to mgo otow kuntoon?

Hinang 20:27

Su impang-anad ku man iyu to tibuuk no pagboot to Diyus. Wada inghobong ku.

Roma 10:21

Di bahin to mgo Hibru, seini to impasuyat to Diyus ki Isaias, “Aboy ku sikandan pigtawag agun ogpadani podom kanay, di kona ogsugut su mangkadoson to uyu dan.”

2 Corinto 6:1

Na, su katimbang koy man to Diyus to trabahu din, oghangyuon noy sikiyu no pabogason duon to kinabuhi now sikan kadojow dow kayuuy to Diyus no nadawat now.

Galacia 2:21

Kona kud ogsaligan sikan mgo balaod no imbilin ni Moises agun no madawat a to Diyus, su ko sikan to ogsaligan ku, ogkatalikudan kud sikan kadojow dow kayuuy din kanay. Su ko ogkadawat ki pa to Diyus tongod to pagtuman to mgo balaod no imbilin ni Moises, na, migpasabut no wada naan pues to kamatajon ni Jesu-Cristo!

Efeso 1:11

To tibo no oghinangon to Diyus iyan katumanan to tuud din. Na, manno iyan pagboot din, tahan on pigplanu no og-abinon koy din