Lucas 5:1 - Manobo Agusan

¹ Songo aedow migpang-anad si Jesus diya to higad to danow to Galilea. Mig-aagow to mgo otow to pagpadani kandin agun makapaminog to kagi to Diyus.

Lucas 5:1 Iomraidhean Croise

Mateo 11:12

“To diya una no wada pad si Juan, to paghari to Diyus intag-an ni Moises dow to tibo duma no kibali ba-ba to Diyus. Na, sugud no muwali si Juan hangtod kuntoon, hinggawan migbukyad to gingharian to Diyus, aw migdodongan to mgo otow to pagdagha agun makased duon.

Mateo 14:34

Na, pagtidow dan diya to dihipag, migduung sikandan diya to banwa no Genesaret.

Marcos 3:9

Anoy man no mahan-in on to mgo otow, pig-ikagihan ni Jesus to mgo inanad din no hinaaton dan to bangka no ogkaingkudan din su unu ko dadasokan sikandin to mgo otow.

Marcos 4:1

Na, migpang-anad si Jesus duon to higad to danow. Hilabi mahan-in to mgo otow no nahimun duon, kaling mig-ingkud sikandin duon to bangka no nakapadiyu-diyu to higad su ogpang-anadon din sikan mgo otow duon.

Marcos 5:24

Dajun duma si Jesus kandin. Migduma isab to mahan-in no mgo otow no migdasok duon kandin.

Marcos 6:53

Na, pagtidow dan diya to dihipag, migduung sikandan duon to banwa to Genesaret.

Lucas 12:1

Duon to sikan no panahon, mighagudhud duon ki Jesus to linibu no kaotawan no migdadasok hangtod no ogkangkagiok-giokan to duma dan. Iyan una no pig-ikagihan ni Jesus to mgo inanad din. Kagi din, “Likaji now to patubu to mgo Pariseo, no ko ita pa, sikan pagpamatitinood dan.

Lucas 5:2

Duon kakita-i ni Jesus to daduwa no ka bangka no pigdohik to mgo mangisdaay no migwaswas to mgo pukut dan.

Lucas 8:22

Songo aedow pig-ikagihan ni Jesus to mgo inanad din, “Ogyopa kinow to seini danow.” Dajun sikandan pamansakoy aw tukud.

Lucas 8:23

Na, anoy man no nahina-hina on to pagpanow dan, nalipodong si Jesus. Puli nakatokow mighodos to maagbot hilabi no kaemag, aw katogob sikan bangka to limason tongod to maagbot no bayod.

Lucas 8:33

pigyagujan dan sikan otow aw sed duon to sikan mgo babuy. Dajun pamanlinaguy sikan mgo babuy no namanyus-ug duon to pangpang aw kangkatabug diya to wohig.

Lucas 8:45

Dajun usip si Jesus, “Hintawa man to migtudi kanay?” Di tibo nangindoy. Kagi pa ni Pedro, “Agayon, mahan-in seini mgo otow no migdadasok ikow!”

Juan 1:40

Si Andres sobuuk to sikan daduwa no migdinog to kagi ni Juan aw migyupug ki Jesus. Dajun din pamanghaa to suun din no si Simon aw ikagihi, “Nakitaan noy on to diya Insaad no Manyuyuwas!”

Juan 6:1

Songo aedow, migyopa onsi Jesus to danow to Galilea no og-ilingon isab to danow to Tiberias.

Hibru 13:7

Domdoma to diya mgo panguyu now no una no mig-anad iyu to kagi to Diyus. Hona-honaa to mangkadojow no nadeygan to pagkinabuhi dan, aw sunuda now to kadigon to pagtuu dan.