Lucas 2:14 - Manobo Agusan

¹⁴ “Ogkasaja to Diyus diya to yangit. Aw duon to pasak, igbogoy din to kalinow to mgo otow no ogmadojawan din.”

Lucas 2:14 Iomraidhean Croise

Mateo 21:9

To mgo otow no migduma ki Jesus no duon to unahan dow duon to hudihan namanguliya, “Sajaon ta seini Kaliwat ni Hari David! Sajaon seini pigpaandini ita to Diyus! Sajaon yagboy to Diyus diya to yangit!”

Lucas 1:79

Ogtang-awan din to mgo otow no mig-ugpa duon to kadigyoman no wadad on pag-iman su nasakup sikandan to kamatajon. Sikandin to oghindu ita to dayan no og-unugon ta agun no mahiuli kinow dow to Diyus aw malinow to ginhawa ta.”

Lucas 19:38

“Sajaon ta seini hari no pigpaandini ita to Ginuu no Diyus. Sajaon tanow to Diyus diya to yangit su kuntoon pigtidow kid to kalinow din.”

Lucas 2:13

Puli nakatokow nahimun to mahan-in hilabi no mgo anghil no napuun to yangit no migsaja to Diyus. Mig-iling sikandan,

Lucas 2:15

Pagkalius on to sikan mgo anghil pailing diya to yangit, migpaiikagihay sikan mgo magbantajay to karneru, “Og-andiya kinow on to Betlehem, su og-ahaon ta sikan impamaan to Ginuu ita.”

Lucas 3:22

Dajun migkonsad duon kandin to Ispiritu Santu no angod to salapati aw taphun duon kandin. Meyduon isab kagi likat to yangit no mig-iling, “Sikuna to anak ku no pinadajag no ingkalipay ku yagboy.”

Juan 14:27

“Igbilin ku to kalinow duon to ginhawa now. Kona no angod to kalinow no ognangonon to kaotawan kani to seini kalibutan, su seini no kalinow ogkapuun kanay. Kaling ajaw ogsamuka to ginhawa now, aw kona kow isab ogkahaedok.

Juan 17:4

Dini to kalibutan pigpasidonggan ku sikuna su natapus kud to tibo impahinang nu kanay.

Juan 3:16

“Su pighigugma hilabi to Diyus to tibo kaotawan, kaling pigpaandini din sikan sobuukon no Anak din. Inggad hintawa no ogtuu dow ogsalig kandin konad on ogkastiguhon tongod to mgo sae din di ogbogajan nasi to kinabuhi no wada katapusan.

Hinang 10:36

Sikan Madojow no Nawnangonon ingmaan to Diyus kanami no mgo kaliwat ni Israel agun mamaanan no si Jesus no Magboboot to tibo mgo otow iyan inghusoy ita dow to Diyus agun no ogkahiuli kinow dow to Diyus.

Roma 5:1

Manno pig-isip on to Diyus no wadad sae ta tongod to pagtuu dow pagsalig ta ki Jesu-Cristo, nahiuli kid on dow to Diyus. Nahimu sikan tongod to kamatajon ni Jesu-Cristo no Ginuu ta.

Efeso 1:6

Kaling ogsajaon ta sikandin tongod to sikan no kadojow dow kayuuy din ita no kona ogkasukud no impabaja ki Jesu-Cristo no hinigugma no Anak din.

Efeso 1:9

Aw nalipay sikandin to pagpamaan ita to sikan inghobong no planu din no ogtumanon din pinaagi ki Jesu-Cristo

Efeso 2:4

Di maaslag yagboy to gugma dow kayuuy to Diyus ita.

Efeso 2:7

Pig-iling sikan to Diyus agun no diya to umaabut no panahon, igkapakita din on sikan ogpanubra no kadojow dow kayuuy din ita no impabaja ki Cristo Jesus.

Filipos 2:11

Aw kada sobuuk og-iling no Magboboot si Jesu-Cristo to tibo agun ogkasaja to Diyus no Amoy.

Filipos 2:13

Su to Diyus iyan ogbogoy iyu to liyag to paghinang to madojow no ogkaliyagan din, aw ogtabangan kow din isab to pagtuman to sikan.

Colosas 1:20

Pigbootan din isab no pinaagi ki Cristo, ogpabalikon to Diyus duon kandin to tibo kani to pasak dow diya to yangit, su to yangosa din no pigpaawas duon to krus iyan inghusoy.

2 Tesalonica 2:16

Na, og-ampu koy no dasigon kow aw digonon ni Jesu-Cristo no Ginuu ta dow to Amoy ta no Diyus agun no mupadajun kow to madojow no pagpang-ikagi dow hinang. Kanunoy ki oghigugmaon to Diyus, aw pinaagi to kadojow dow kayuuy din ita, wada katapusan to pagkadasig dow pag-iman ta.

Impaaha 5:13

Tapus to sikan, pigdinog ku isab to tingog to tibo mgo hininang to Diyus no mey ginhawa diya to yangit, kani to pasak aw diya to didayom to pasak dow dagat. Kagi dan, “Sajaon ta sikan mig-ingkud duon to trunu dow sikan Nati no Karneru. Pasidonggan aw tahudon sikandan to wada katapusan tongod to pagkagamhanan dow pagkayabow dan!”