Lucas 19:29 - Manobo Agusan

²⁹ No duon on sikandin to dani to mgo baryu to Betpahe dow Betania no duon to bugdangan to Kaulibuhan no bubungan, pigsugu ni Jesus to daduwa no mgo inanad din,

Lucas 19:29 Iomraidhean Croise

Mateo 21:17

Dajun panow si Jesus aw yuwas to siyudad su duon sikandin oghibat to Betania.

Lucas 19:30

“Andutun kow to suja baryu. Pagtidow now duon, ogkita kow to inhikot no nati no asnu no wada pad disti kasakaji. Hubada aw tujuka dini kanay.

Lucas 19:37

No madani on sikandan to Jerusalem, duon to sikan igpatogbang duon to Kaulibuhan no bubungan, migsugud sikan panon to mgo inanad din to pagsaja to Diyus. Malipajon sikandan no migkinuliya tongod to diya pigkita dan no mgo milagru no pighinang ni Jesus. Mig-iling sikandan,

Lucas 21:37

Na, kada aedow og-inandiya si Jesus to Bayoy to Diyus su ogpang-anad to sikan mahan-in no mgo otow no masem pad ogkangkahimun agun ogpaminog kandin. Kada madukilom, og-andiya sikandin to Kaulibuhan no bubungan su diya oglipodong.

Lucas 22:39

Dajun panow si Jesus duma to mgo inanad din pailing diya to Kaulibuhan no bubungan su nabatasan din man.

Lucas 24:50

Pigpaduma ni Jesus to mgo inanad din diya to baryu to Betania. Dajun din bajawa to mgo boyad din aw panalangini sikandan.

Hinang 1:12

Dajun togbang sikan mgo apustulis likat to sikan Kaulibuhan no bubungan su ogpauli diya to Jerusalem no songo kilumitru da to kadiyu.