Juan 18:40 - Manobo Agusan

⁴⁰ Dajun sikandan kinuliya, “Kona no sikandin! Si Barabas da!” Na, si Barabas, ribeldi.

Juan 18:40 Iomraidhean Croise

Mateo 26:55

Dajun ikagihi ni Jesus sikan mgo otow, “Nokoy man, tulisan a no migdae kow man to mgo ispada dow mgo taepos to pagdakop kanay? Nokoy no wada a now man dakopa no mang-anad a duon to Bayoy to Diyus kada aedow?

Mateo 27:16

To diya no panahon meyduon bantugan no prisu no iyan ngadan si Barabas.

Mateo 27:26

Dajun pasabuki ni Pilato si Barabas. Di si Jesus pigpanyapdosan aw idata duon to sikan ogpamanyansang kandin duon to krus.

Marcos 15:15

Na, manno gustu ni Pilato no malipay to kaotawan, iyan pigpasabukan din si Barabas. Di si Jesus pigpanyapdosan aw idata duon to sikan ogpamanyansang kandin duon to krus.

Lucas 23:25

Dajun din pasabuki si Barabas no naprisu tongod to pagtinggubut dow paghimatoy to otow. Di si Jesus indata duon to sikan mgo otow agun matuman to pagboot dan.