Impaaha 9:2 - Manobo Agusan

² Pag-abri din, migyogwa dajun to madamey no obey no angod to ogkapuun duon to maaslag no yapug. Kaling migdigyom to kalibutan su to soga diya to yangit nayoponan on man to obey.

Impaaha 9:2 Iomraidhean Croise

Hinang 2:19

Kona pad on og-abut to mahinongdanon dow kabeynganan no aedow no siak no Ginuu oghukum to kaotawan, meyduon igpakita ku no mgo kabeynganan diya to yangit. Ogdigyom to soga, aw to buyan ogkaangod to yangosa to kayogdog. Meyduon isab igpakita ku no mgo kabeynganan dini to pasak no yangosa dow kaeju hasta madamey hilabi no obey.

Impaaha 14:11

Kona yagboy ogkaposok sikan kaeju no igpaantus kandan. Aedow dow madukilom kona sikandan ogpakapahuway to sikan no kastigu, su pigsimba dan man sikan mananap dow sikan inotow-otow no impasidongog kandin aw migpamarka to ngadan din.”

Impaaha 16:10

Pagjabuha to sikan ikalima no anghil to sed to kalduhan din duon to trunu to sikan mananap, migdigyom dajun sikan gingharian din. Nangkakagat to mgo otow to dila dan tongod to pagkasakiti dan,

Impaaha 8:12

Paghiyup to sikan ikaupat no anghil to trumpita din, migdigyom to ikatoyu no bahin to buyan dow soga hasta mgo bituon. Kaling to ikatoyu no bahin to aedow migdigyom, aw to ikatoyu no bahin to kadukiloman wada yagboy og-ilagan.

Impaaha 9:1

Paghiyup to sikan ikalima no anghil to trumpita din, pigkita ku to angod to bituon no nauyug duon to pasak likat to yangit. Sikan nakaangod to bituon pigbogajan to liyabi no ig-abri to sikan yugi no wada ogkapanggadan to kadayom.

Impaaha 9:11

Meyduon hari dan no madoot no ispiritu. Sikandin to ogboot to sikan yugi no wada ogkapanggadan to kadayom. To Hinibru no ngadan din, Abbadon, aw to Ginirigu, Apolyon, no ko ita pa, Magyagyagay.

Impaaha 9:17

Sikan mgo kabaju dow sikan namanakoy naangod to seini: To namanakoy mey puthow no yopon duon to dagaeha dan no angod to kayahag to asupri dow angod to kayogdog to kaeju hasta angod to kulur to yangit. To uyu to sikan mgo kabaju dan angod to uyu to liyun, aw meyduon kaeju dow obey hasta yogdog to asupri no ogyogwa duon to ba-ba dan.